影片
更多
2022-06-10
741 瀏覽
因為有特別日子慶祝選擇去天龍軒食飯，本身知道咁高檔嘅地方食飯個價錢實好貴，因為食環境食氣氛食景觀食廚師手藝，食虛榮心，食材料，食質素食服務等等，但係原來仲有一樣嘢係計漏咗，係食嗰個上菜嘅時間節奏管理，我以前食嘢冇乜留意呢一個部份，因為可能好少去啲咁高檔地方，今日比我見識到天龍軒，我哋點完菜之後職員會好細心分析比我哋聽，上菜先後次序，每樣菜式食完之後都會有一個好好嘅空檔時間比我哋休息舒緩，飲下茶，唞下傾下計，再上另一道菜式，整個流程係好舒服好暢順，呢一樣嘢係我冇預期到原來係好重要，佢哋控制得到好好。之前喺網上睇到好多人都推介黑毛豬义燒，咁我哋訂位時職員都主動問我哋要唔要預留，我我都預留，點都要食嘅，同佢講因為有個特別日子慶祝所以嚟食晚飯，當晚我哋叫咗半隻炸子雞，花雕蛋白蒸蟹鉗（每人一份），炒野菌，最後加咗兩個甜品。食完反而更鍾意炸子雞，啲肉滑嫩到冇得頂，好香，雞皮好薄去晒啲脂肪，雞皮脆仆仆，好惹味，真係唔多夠喉，想再encore ，炸子雞係有驚喜，會令人（燈）咗一眼，义燒係好鬆化，但我攞唔到驚喜，另一道花雕蛋白蒸蟹鉗，三百幾蚊一位，滑嘟嘟到呢，好嫩滑，好似BB肌膚，蟹鉗又鮮甜，如果火喉控
之前喺網上睇到好多人都推介黑毛豬义燒，咁我哋訂位時職員都主動問我哋要唔要預留，我我都預留，點都要食嘅，同佢講因為有個特別日子慶祝所以嚟食晚飯，當晚我哋叫咗半隻炸子雞，花雕蛋白蒸蟹鉗（每人一份），炒野菌，最後加咗兩個甜品。
食完反而更鍾意炸子雞，啲肉滑嫩到冇得頂，好香，雞皮好薄去晒啲脂肪，雞皮脆仆仆，好惹味，真係唔多夠喉，想再encore ，炸子雞係有驚喜，會令人（燈）咗一眼，义燒係好鬆化，但我攞唔到驚喜，另一道花雕蛋白蒸蟹鉗，三百幾蚊一位，滑嘟嘟到呢，好嫩滑，好似BB肌膚，蟹鉗又鮮甜，如果火喉控制得唔好就老晒，最後加咗兩個糖水，突然間職員送上一個小小甜品比我哋，好窩心溫暖。
係高級地方係好唔同，佢哋真係照顧得好周到好全面，純粹我自己估計，佢哋知道我哋嚟慶祝，食飯過程無嚟打擾我哋，好舒服比我哋用餐，去到最尾我哋準備離開時有位Edmond經理過嚟同我哋傾計，交流好多嘢，佢仲親自帶我哋去參觀其他餐廳，介紹有咩推介嘢食，呢一餐食咗二千幾蚊鬆啲我哋仲買多一盒琥珀合桃返屋企食，因為琥珀合桃真係好鬆脆，鬆脆嘅程度係好輕飄飄感覺，香香甜甜好爽口，所以呢一餐非常圓滿。
黑毛豬义燒
36 瀏覽
0 讚好
0 留言
炸子雞
31 瀏覽
0 讚好
0 留言
花雕蛋白蒸蟹鉗
90 瀏覽
0 讚好
0 留言
炒野菌
53 瀏覽
0 讚好
0 留言
糖水
32 瀏覽
0 讚好
0 留言
張貼
