涬木

營業中

休息中

同女朋友食厭左和牛、海鮮想帶佢試d平時唔食既野，因為女朋友一路驚生食從來未食過刺身，所以想選d比較高質量嘅店比佢一個好既初體驗，經朋友推薦試左涬木1680既套餐，過程令人驚喜滿意。環境雅致舒服、食物新鮮好味，整體菜品次序安排得唔錯，唔會話有上一道好影響下一道品嘗既情況出現，而且睇得食得滿足埋視覺享受，主廚料理技術好得黎傾計又幽默，工作人員配合默契，整個過程氣氛都好好，令人非常解壓。衛生方面都做得好好，需要在玄關換拖鞋入場，廁所又香又乾淨，而且同餐廳隔咗兩道門好大程度上避免左空氣污染。依家預訂仲有買一送一，總體黎講咁高質量值得番食，期待第二次既體驗。