火鍋煮場 (已結業)

去火鍋店食烤肉係乜野玩法？其實都幾好食，D肉燒黎食係香D嘅，又可以慳返個湯底錢可以用黎叫吓其他野食。呢度個爐都幾好，無乜油煙。配有燒烤專用醬料。牛肉我地揀咗安格斯牛小排，其實佢呢度都係得3款牛︰和牛、安格斯牛小排同餵飼牛，我地覺得和牛可能會太油，所以就揀咗安格斯。咁多樣野之中我地覺得安格斯牛肉同鱔片用燒烤嘅方式黎食最正，可能因為有D脂肪所以燒出黎會更香口。另外叫咗份生菜包住D肉食就無咁滯。飲啤酒就仲正，因為佢地做緊100支啤酒$100，邊食BBQ邊飲啤酒一樂也。