影片
更多
2018-11-05
201 瀏覽
朋友生日就去左佢番工既附近幫佢慶生，慶生總係不離三不開三樣野，打邊爐、酒樓大排宴席、西餐扮高級，麻甩女仔組當然首選就係打邊爐。打邊爐總不能打極都同一間，今次來點新意思，來左依間搞作多多既--酒鍋！酒鍋搞作多多，而裝修保留左滿滿既中國特色，去到門口就見到，石牆上刻住酒鍋二字相當有氣勢。門口用左鮮紅色既門框，而旁邊搞住一個個，刻有中文數字既小木牌，入到餐廳中國風格仍然不斷湧來，石灰色既磚牆，一道道紅色大門後，都係一個個中式既包廂，好似舊時官人既飯聚點！可以容納一圍多既人～超爽。雖然今次我地就無十人大軍，四個蝦兵蟹將，但安排既位置都好好，好有舒服既卡位～！一坐低見到個Meun已經好吸引，樣樣都係唔係一般火鍋鋪可以食到，我地四個人口味都唔同，就揀左個有辣有唔辣既 揚名四海 $248，唔止一次滿足左四個味蕾既享受，仲要個個湯底都好鬼足料，而依四海分別係：黑松露什菌鍋、朋友既至愛！飲落口有好濃厚既黑松露香味，入面有唔同種類既菇，令到湯底既滿滿菇既鮮甜同埋甘香味，忍唔住一啖接一啖甘飲濃湯豬骨鍋，店家足料到嚇親人，四格湯底而驚大件夾抵食，仲要一舊豬骨塞左係到，而豬骨就微微燒過~再經埋長時間去煮湯，令到
打邊爐總不能打極都同一間，今次來點新意思，來左依間搞作多多既--酒鍋！
酒鍋搞作多多，而裝修保留左滿滿既中國特色，去到門口就見到，石牆上刻住酒鍋二字相當有氣勢。
門口用左鮮紅色既門框，而旁邊搞住一個個，刻有中文數字既小木牌，入到餐廳中國風格仍然不斷湧來，石灰色既磚牆，一道道紅色大門後，都係一個個中式既包廂，好似舊時官人既飯聚點！可以容納一圍多既人～超爽。
雖然今次我地就無十人大軍，四個蝦兵蟹將，但安排既位置都好好，好有舒服既卡位～！
一坐低見到個Meun已經好吸引，樣樣都係唔係一般火鍋鋪可以食到，我地四個人口味都唔同，就揀左個有辣有唔辣既 揚名四海 $248，唔止一次滿足左四個味蕾既享受，仲要個個湯底都好鬼足料，而依四海分別係：黑松露什菌鍋、朋友既至愛！飲落口有好濃厚既黑松露香味，入面有唔同種類既菇，令到湯底既滿滿菇既鮮甜同埋甘香味，忍唔住一啖接一啖甘飲
濃湯豬骨鍋，店家足料到嚇親人，四格湯底而驚大件夾抵食，仲要一舊豬骨塞左係到，而豬骨就微微燒過~再經埋長時間去煮湯，令到個湯底係呈奶白色~再加埋大量既香蔥同埋蔬菜，係清甜之選！
四川麻辣鍋，香港人普遍都唔算可以食得太辣，所以香而不太辣就最岩香港人既口味，竟可以品嚐到麻辣既滋味，又唔會辣到要瘋狂灌水！再加埋店家買大包早已放左好多豬皮同豆卜落去，惹味到呢~!!!!
咸酸菜胡椒豬肚鍋，唔少人香港人都好鐘意咸酸菜胡椒豬肚湯，因為酸菜既酸甜十分醒胃，再加埋胡椒既香味同豬肚既黏韌，依個絕對係開胃之選。
湯底已經令人讚口不絕，更加值得讚賞既係店家既配料，樣樣都好精美同埋誠意滿滿，有五樣野食大家必定要點，實在太好食啦！
頂級安格斯牛小排(大)
$268
10 瀏覽
0 讚好
0 留言
頂級安格斯牛小排(大) $268，打邊爐又點可以唔食肥牛呢？而牛之中安格斯係美國既牛，而美國既牛肉係出名牛味夠濃，店家用料十分新鮮不在話下，而食得出牛味極度濃郁~！絕對唔係次等貨色，大家絕對要掌握好時間，見到牛變左淺啡色就要起筷食落肚！如果到左深啡色~你就浪費左甘好既牛肉！
秘制麻辣鴨血
$88
15 瀏覽
0 讚好
0 留言
秘制麻辣鴨血 $88，本身依道係熟食，直接食已經可以，建議大家一定要加埋落去麻辣湯再煮，本身食落去已經風味十足，再煮埋就變惹味十足，鴨血會再吸更多既湯汁，再加埋熱熱地甘食~真係惹味到脾！
黑松露蝦蟹餃
$88
25 瀏覽
0 讚好
0 留言
黑松露蝦蟹餃 $88，平時食蝦餃就食得多，仲要又蝦又蟹，甘即係鮮上加鮮，而海鮮同埋黑松露既味係好夾，又唔會爭左大家既風頭，又可以發揮大家既優點到極緻！一個食到話好食，之後就比人搶晒來食，食多隻都無….T^T
肥媽墨汁腸
$58
52 瀏覽
0 讚好
0 留言
肥媽墨汁腸 $58，睇到個名就想笑，究竟依個肥媽係我平時見到個肥媽，定世界上邊到既肥媽？但唔知係咪叫肥媽都煮野食有番甘上下，平身已經鐘意食台灣腸
加埋墨汁落去就多種咸香同鮮味，我點會唔鐘意呢~XD
即炸手工紫菜響鈴卷
$58
32 瀏覽
0 讚好
0 留言
即炸手工紫菜響鈴卷 $58，響鈴都係另一樣不能不點既打邊爐名物，而仲要即炸
簡直係錦上天花，仲要加埋紫菜，已經勝出依場比賽！大家可以選擇沾店家比既酸辣醬即食，又可以放落鍋5秒再食，都一樣甘好食~識貨既我地點會唔揀！
而野飲方面不得不推介，薏米檸檬水 $26，打邊爐通常少不免油膩感，而店家既薏米檸檬水，清甜又生津~絕對解膩之選！
最後我地四丁友打完，都一致裁定~依間酒鍋絕對可以ENCORE再ENCORE！
張貼
