石記廚房

營業中

休息中

新年一班人出地食飯，因為人多想坐得耐啲，舒服啲，所以黎左石記厨房。由於無早一日訂位的關係，今次食唔到每日限量既風沙雞，不過都點左個風沙雞翼補數！另外仲點左墨魚餅，炒豆苗，蒸肉餅同咕嚕肉！風沙雞翼一如以往既惹味，仲幫大家處理左啲骨方便拎住食，貼心！炒豆苗因為闆娘話是日豆苗靚，果然好嫩口，無介紹錯！墨魚餅個面夠脆，可惜唔夠入味，有口感無味道…至於蒸肉餅同咕嚕肉就一般水平，無驚喜無失望。臨走仲有糖水送，可惜大家準備去隔離街食甜品，對個薏米糖水興趣不大@@總括而言係不俗的，小弟成日認為再好既餐廳都有弱項，想食得滿意，學識點菜好重要！