石記廚房

點左一個好平凡的豬扒公仔麵，但估唔到味道可以咁一般：湯就是普通麵湯，豬扒炸得唔好，皮肉分離不單止，還有腥味，而且肉質好韌好柴，總之五十幾蚊一個咁水平的早餐，真系忍唔住要寫個comment系度。…查看更多

今次同朋友去咗呢間茶餐廳，真係有驚喜。首先要讚下佢哋嘅生炒牛肉飯👍，鑊氣十足，飯粒分明但又唔乾，牛肉滑到入口即化，調味啱啱好，唔會過咸，食落仲帶少少甜香，好有水準。 跟餐嘅羅宋湯👍都唔馬虎，酸酸甜甜，番茄味濃郁，仲有大大舊薯仔同椰菜，料夠晒足，飲落暖胃又開胃。唔似有啲地方求其整，呢度真係認真煲過。 最後一定要提嘅係佢哋嘅熱奶茶👍，茶底夠厚，茶香同奶味平衡得好好，入口順滑無渣，飲完仲有回甘。唔需要加多啲糖，已經好滿足。 整體嚟講，呢度價錢合理，只係$60，出品用心，環境乾淨，服務又親切。作為一間街坊茶餐廳，真係交到功課，值得再嚟幫襯。…查看更多

石記廚房成間鋪環境普通，但水準算有，整體體驗都ok。價錢就幾貴，米其林加持有啲誇張。服務方面真係有待改善，員工感覺唔夠細心。嚟試一次無問題，不過未至於想成日返轉頭。…查看更多

經朋友大力推薦，今日前來午膳，果然很有水準，胡椒蝦十分野味，蝦肉新鮮爽口，彈牙，黑椒牛柳粒，牛柳油脂分布分均，有入口即溶的感覺，食極都唔停口！蒜蓉炒菜心，青嫩，好！乾炒牛河，火候功夫夠，絕不油膩！此食店值得再去，試其他菜式！…查看更多

天后同事帶我去食入到去驚見這茶記拎了好夕多屆米之芝蓮晚餐小菜貴午餐套餐價錢與附近茶記無分別今日有羅白炆牛腩，好好味，牛腩多又冧，汁唔咸有中西湯可選，我揀了羅宋湯，足料一間茶記有好多男人食飯，一定好味…查看更多

中午午餐水準正常有飯有湯跟埋熱飯都係$58-$64。間唔中都會黎食午飯，中午午餐水準正常有飯有湯跟埋熱飯都係$58-$64。貪佢夠快同埋性價比喺同區當中算高。一向都知整體全店員工服務一般，平時人不犯我，我不犯人。但今日令我深深不忿係食個午飯要受盡老闆娘惡劣嘅態度。埋單時大聲呼喝顧客，即係本人，唔知佢同顧客有咩深仇大恨，收錢都要鬧人。見到依到咁多評論都係點名佢地嘅服務態度差，可能佢地都唔會在意任何評論，你地可以繼續做自己，祝你身心健康。我嘅立場就係唔會再幫襯，唔會推介只會大力地負評。Bye👋…查看更多

兩個人叫一個早餐,叫一份唔得,另一個人一定要消費,服務態度惡劣,現在這個環境,都唔知點樣做生意,睇你幾時執笠,都唔知點樣做街方生意,不知所謂.環境一般,感覺不乾淨…查看更多

Dinner for 2. Free corkage. Wanted to try everything on the list of Daily Specials.Here’s what we had.油浸荀殼魚- delicately fried to a golden crispy exterior, while maintaining a soft and silky texture inside. The savory soy sauce complemented the dish perfectly- wanted to order some rice to soak it all up but didn’t wanna overeat. 豉椒勝子煎米粉- 米粉 was cooked to perfection, with crispy exterior and a slightly chewy texture absorbing the flavorful sauce. 勝子 was generously portioned.香煎手打墨魚餅- pan-fried to a golden-brown crust with a satisfying crunch. Squid was tender.炭燒牛仔骨- marinated with kiwi, making it tender and juicy. Nice balance of fat and lean meat. The marinade added a touch of sweetness, couldn’t taste any hint of smokiness tho.In summary: hearty authentic Chinese fare, with friendly service and comfortable atmosphere.…查看更多

啱啱食完天后的這家茶餐廳，食指大動嚟講下感受🍽️。首先，個雞扒飯真係正！雞肉煎得外脆內嫩，啖啖雞扒，食落口感又彈牙又多汁，淋上嗰啲蒜香四溢既蕃茄汁，簡直係絕配呀！😋 佢啲茴香味唔會太重，食得出啲師傅係用心傾過去，唔會搞到成碟飯都係單一味。太太揀嘅茄子炒麵，睇落都普通，但食落先知有驚喜！茄子做到超溏心，啖啖肉感，夠哂味，仲有少少韌勁，個茨汁又做到甜甜地，啖啖清新，啱晒想食得健康啲嘅人。今次嘅食驗算係平靜中嘅小驚喜，喺平民食肆入面都可以搵到咁認真嘅手藝，真係令人開心！順帶一提，餐廳環境舒服，員工服務態度都幾好，下次再嚟，一定要試下佢哋嘅招牌菜呀！👍🏻…查看更多

今日約朋友第一次去這間食肆食早餐，我11點到，坐低等朋友來。朋友WhatsApp我order午餐，而我吾想食飯，見到仲有早餐至11:30，咪點了個米線早餐加多個多士。點知叫左好耐冇人理我，我叫吾該叫嘢，有個阿姐走理嚟就話我，刚才你掛住等人又吾叫，現在我吾得閒你又叫，簡直無語😡😡😡最令人發火的便是，個阿姐成日走埋嚟問我食完未，我都話未食完囉。然後12:08問我走未，我咪發訪問佢囉，我食一個鐘頭你就叫我走？仲要間餐廳有其他空嘅位置，她還說食咗成個鐘仲唔走話我食早餐所以唔可以留喺度咩道理？如果係咁不如唔好開門做生意。🤬🤬🤬🤬請所有人不要去這間殘廢餐廳食飯🤬🤬🤬🤬現在經濟環境這樣情況，這個女士根本再到他老闆米…查看更多

第一次同屋企人入餐廳諗住睇吓有咩啱食，坐低侍應問我哋要水定係茶，我同細佬話要水，侍應拎咗幾杯水嚟擺低，點知屋企人話唔啱食，都係想食西餐，咁我哋就起身同佢講話唔啱食轉餐廳，個老闆娘沖出嚟話坐低都要收茶錢，但係我睇過晒所有餐牌，完全冇話要收茶錢呢樣嘢，更何況我哋冇開茶，只係你走黎問我地要茶定水先話要水，仲要冇飲過就起身，屋企人費事煩，就擺低$60俾佢，但係我覺得唔係錢嘅問題，而係原則嘅問題，你冇講明要收茶錢，隨口up屈個客錢都得既咩，唔怪得間餐廳冷清清，唔知以為你等於$60交租，我豪比你，但入去既真係要三思，$200一個干炒牛河，$200一個揚州炒飯。。。唔知以為我去咗有rosewood入面既茶餐廳。。。超級black店。。。…查看更多

交通便利，在天后地鐵站附近，但地方不大。早餐有很多選擇，食物和價格適中，質量還不錯，價錢也大眾化。早餐味道幾好，食物質素穩定，口味合符我的要求水準，唔好睇廚房裝修平平無奇，原來佢係米芝蓮推介的食店，食物品質真係幾好。午餐和晚餐未食過，所以不大清楚。雖然算不上有甚麼高級裝修，但就是有種懷舊味道，很值得推薦的一間菜館。…查看更多

唔好睇廚房裝修平平無奇，原來佢係米芝蓮推介嘅食店，食物品質真係好高質，樣樣都新鮮夠鑊氣🔥▪️魚香茄子煲 $148熱辣辣啱啱煮好，散發出陣陣既鹹魚香味，有少許辣味，撈飯一流▪️鯪魚肉煎豆腐 $168魚肉豆腐煎得好香口，個底有少少脆，豆腐好滑，豆香味濃▪️香煎手打墨魚餅 $218墨魚餅都算係必試之作，墨魚味好濃郁，墨魚餅好香口，爽口彈牙♡好味指數 🌕🌕🌕🌕🌗✔︎性價比🌕🌕🌕🌗🌑✔︎環境服務🌕🌕🌕🌑🌑✔︎打卡指數🌕🌕🌗🌑🌑✔︎推介指數🌕🌕🌕🌕🌗✔︎回頭指數 🌕🌕🌕🌕🌗…查看更多

都唔明點解會比米芝蓮、食物衰過大排檔、味道更加唔掂、收佰幾二佰蚊一個餸份量又小、比米芝蓮佢所謂嘅食評家真係唔知點樣嘅標準。第一次食佢、亦都係最後一次！完🤮🤮🤮…查看更多

從來也沒有寫過食評，也從來沒有這個衝動去寫食評，但係這間店實在太過垃圾，唔想再有其他人中伏！太需要寫一段食評給其他人分享。鳳爪排骨煲仔飯收費140幾蚊，低劣質素的排骨加上一陣臭味的鳳爪，完全不是煲仔飯的米飯，竟然夠收這個價錢！如果食物質素高，我絕對不介意付上這個價錢，但這個絕對是搵笨價錢！香港竟然有一間這樣低質素的食肆！至於午餐套餐，只有幾粒小肉，完全是食白飯。再加上這間店的服務極差、態度極差、食物質素更是差極了！！希望不要再有太多人再中伏！…查看更多