川味閣

營業中

休息中

建生依邊不嬲都多野食，剩係賣米線既都已經有3間，但川味依然屹立不倒，仲越做越大間，就知佢有一定既捧場客啦。必點醃製過既腩肉，豬肚，豬耳，再配埋個中麻辣既麻辣湯，真係就咁打字都流口水。而個人最鍾意嘅就係佢既寛薯粉，唔係間賣紅薯粉既舖頭有賣。扁扁長長嘅粉條，雖然食個時難夾啲，但佢真係同個麻辣湯好鬼夾，再加埋啲肉碎同酸菜，真係想即刻再去買番碗。仲要啲餸幾蚊就有一個，叫到車仔麵咁都唔過份啊。最鍾意叫多罐西柚汁，買番屋企慢慢嘆。