QUE (MOKO新世紀廣場)

營業中

休息中

之前去過【QUE】日式fusion餐廳食飯，覺得D野都幾有特色，所以今次再去試下季節限定水果夏祭，有新出幾款限定水果入饌菜式。🐟 薄切三文魚配蜜柑香梨：三文魚刺身搭配蜜柑果肉和香梨片，淋上醋汁，酸甜清新！柑橘香同香梨的爽脆完美平衡魚脂，開胃又精緻～🌮 辣味帆立貝壽司塔可：創意滿分！用脆海苔代替傳統塔可皮，包住辣味帆立貝刺身同蔬菜。辣度溫和帶微甜，帆立貝鮮嫩，口感層次豐富～🍜 北海道帶子蕎麥麵配水蜜桃蕃茄凍湯：冷蕎麥麵清爽彈牙，北海道帶子鮮甜。凍湯以水蜜桃和蕃茄打成，果香清甜帶微酸，夏天食超解暑！呢款非常有特色。🍎 肉桂牛油烤蘋果配雲呢拿雪糕：蘋果烤到外層軟糯、裏面既肉仲有少少脆度，肉桂牛油醬焦糖化，配一球雲呢拿雪糕，邪惡又滿足～🍹 紅肉火龍果桃桃西柚氣泡飲：火龍果天然甜味+水蜜桃香甜+西柚微苦，氣泡感十足。🍍 菠蘿青瓜迷迭香氣泡飲：清新之選！菠蘿甜香、青瓜清爽，迷迭香增添草本香氣，非常特別。