影片
更多
2024-03-11
278 瀏覽
講起台式甜品，燒仙草一定榜上有名，嫩滑好食又唔會太heavy！二訪呢間主打燒仙草嘅甜品店，之前去中環嗰間總店，都要排隊等位，而家嚟銅鑼灣希慎入面個美食廣場都有，方便好多，而且空間感更大，坐得更加舒服！小店時不時都會推出新款式，去多幾次都未食厭！------------------------------🍧◖抹茶焙茶奶蓋雪花手捧冰◗ $86佢個手捧冰價錢唔貴，大大個好豐富，必點！雪花冰入口即溶，有牽絲嘅感覺，同焙茶奶蓋一齊食，再配上一球抹茶雪糕，呢個配搭完全滿足到茶控！然後底層有嫩滑嘅仙草凍，仲加咗麻糬落去（+$8），口感好煙靭，口感好豐富！🥣◖芋薯圓燒仙草◗ $45呢碗係熱嘅仙草，啱啱上枱嘅時候比較稀，根據自己口味加適量嘅黑糖水（叫咗黑糖另上），攤凍咗少少就會開始凝固，超有彈性！因為甜味自己調配，食落唔會太甜，加咗店舖招牌嘅桃膠（+$5）同圓仔（+$5），口感味道都唔錯！💕◖芋泥嫩仙草盛盤 ◗ $56叫得盛盤，配料份量有返咁上下，有芋圓、薯圓、珍珠、紅豆、紫米，仲跟一球芋泥，好豐富！仙草本身冇咩甜味，同芋泥1️⃣💩一齊食就啱啱好，超軟滑！🧋◖芋泥桃膠奶凍◗ $42本身以為佢正常發揮，但又幾
------------------------------
🍧◖抹茶焙茶奶蓋雪花手捧冰◗ $86
佢個手捧冰價錢唔貴，大大個好豐富，必點！雪花冰入口即溶，有牽絲嘅感覺，同焙茶奶蓋一齊食，再配上一球抹茶雪糕，呢個配搭完全滿足到茶控！然後底層有嫩滑嘅仙草凍，仲加咗麻糬落去（+$8），口感好煙靭，口感好豐富！
🥣◖芋薯圓燒仙草◗ $45
呢碗係熱嘅仙草，啱啱上枱嘅時候比較稀，根據自己口味加適量嘅黑糖水（叫咗黑糖另上），攤凍咗少少就會開始凝固，超有彈性！因為甜味自己調配，食落唔會太甜，加咗店舖招牌嘅桃膠（+$5）同圓仔（+$5），口感味道都唔錯！
💕◖芋泥嫩仙草盛盤 ◗ $56
叫得盛盤，配料份量有返咁上下，有芋圓、薯圓、珍珠、紅豆、紫米，仲跟一球芋泥，好豐富！仙草本身冇咩甜味，同芋泥1️⃣💩一齊食就啱啱好，超軟滑！
🧋◖芋泥桃膠奶凍◗ $42
本身以為佢正常發揮，但又幾有驚喜！成杯都係芋泥，質感幾濃厚，底層係仙草凍，上面加咗桃膠，頗有咬口，而且食到濃濃嘅芋泥奶香！
🌟Encore指數：9/10
張貼
