影片
更多
2024-05-19
23 瀏覽
媽媽節正日，老公安排咗先去聽小朋友音樂會🎶再去SOHO區食母親節飯😍💓一嚟到呢間咁有情調嘅葡國餐廳，Lisboy最興奮😝因為現場有live music🎶駐場歌手除咗自彈自唱浪漫英文情歌外，仲同Lisboy互動，一齊唱兒歌😍Lisboy成晚變成超級粉絲🎤🎼🍽️ Bolhao Pato Mussels白酒煮青口 - 前菜我哋叫咗好多人都叫同好鍾意食嘅白酒青口，上碟時好大碟😋青口新鮮有咸水味，配埋個檸檬汁🍋勁開胃，用熱水過一過啲青口再俾Lisboy食，配埋自家製嘅麵包，真係食到舔舔脷！🍽️ Grelhada Mista雜錦烤肉串 - 第一個主菜叫咗呢個好有特色嘅烤肉串拼盤，有醬燒牛柳、雞翼、豬扒、豬肋骨🍖一上碟Lisboy都嘩嘩聲，好大碟肉用鐵支串住上碟，未食都覺得興奮，而每碟肉都好特別，燒到唔同味道😋最鍾意佢嘅豬肋骨，配埋燒烤醬辣辣地好滋味，而一大串肉下面係椰汁飯、薯條同沙律菜，呢個份量食到我哋好飽，三個人食都夠食🤣🍽️ Sardinha Assada香煎沙甸魚 - 第二道主菜我哋叫咗另一名菜沙甸魚，原來有3大條沙甸魚，不得不提小Sun媽驚魚骨所以好少食魚😝但係估唔到呢個沙甸魚煎到好香脆，啲骨都
媽媽節正日，老公安排咗先去聽小朋友音樂會🎶再去SOHO區食母親節飯😍💓一嚟到呢間咁有情調嘅葡國餐廳，Lisboy最興奮😝因為現場有live music🎶駐場歌手除咗自彈自唱浪漫英文情歌外，仲同Lisboy互動，一齊唱兒歌😍Lisboy成晚變成超級粉絲🎤🎼
🍽️ Bolhao Pato Mussels
白酒煮青口 - 前菜我哋叫咗好多人都叫同好鍾意食嘅白酒青口，上碟時好大碟😋青口新鮮有咸水味，配埋個檸檬汁🍋勁開胃，用熱水過一過啲青口再俾Lisboy食，配埋自家製嘅麵包，真係食到舔舔脷！
🍽️ Grelhada Mista
雜錦烤肉串 - 第一個主菜叫咗呢個好有特色嘅烤肉串拼盤，有醬燒牛柳、雞翼、豬扒、豬肋骨🍖一上碟Lisboy都嘩嘩聲，好大碟肉用鐵支串住上碟，未食都覺得興奮，而每碟肉都好特別，燒到唔同味道😋最鍾意佢嘅豬肋骨，配埋燒烤醬辣辣地好滋味，而一大串肉下面係椰汁飯、薯條同沙律菜，呢個份量食到我哋好飽，三個人食都夠食🤣
🍽️ Sardinha Assada
香煎沙甸魚 - 第二道主菜我哋叫咗另一名菜沙甸魚，原來有3大條沙甸魚，不得不提小Sun媽驚魚骨所以好少食魚😝但係估唔到呢個沙甸魚煎到好香脆，啲骨都可以食☺️啲魚油加埋煎到脆卜卜嘅薯仔😋味道一流，好想讚吓個沙律菜同有機蕃茄仔，好香甜，食完咁多肉食返少少菜即刻好Fresh🥗
🍽️ Premium Pastel de Nata & Port Wine Baked
葡撻砵酒 - 由於兩個主菜已經食到我哋好飽，老公就叫咪呢個必食嘅葡撻砵酒，食完個撻再飲淡葡萄牙砵酒🍷圓滿咗成個晚餐，呢個有好多肉桂粉味，熱辣辣、外脆內軟咁、好正宗嘅葡撻🍮呢度侍應好熱情同又好鐘意同Lisboy互動，話私人時整多隻葡撻俾Lisboy😝Lisboy好有口福！
🌟最欣賞餐廳開餐之前已經送咗個小禮物俾我哋呢啲母親，祝天下偉大嘅母親👵🏼👩🏻母親節快樂💓
張貼
