阿芳上海餛飩

營業中

休息中

佐敦真係有好多好野食，之前路過發現呢間店，今日就入去食。菜單簡單而集中，上海主食為主，點左2個套餐連小食和豆漿，真係物有所值，$110埋單。先上四喜烤麩，有雲耳、烤麩，仲有毛豆係底，都做到好入味。主食有糖醋排骨湯年糕，排骨係啖啖肉，同醬配合得天衣無縫，可以食多幾碗飯。好少見到有湯年糕配，多數都係配麵。年糕切得幾薄，唔會食到成口麵粉。拍青瓜就一般，唔係好夠蒜和醋，可以再好食D。白菜豬肉餛飩淨食係好正，皮好薄，和北方水餃用料好唔同。真材實料，菜多肉嫩，好彩叫左大份。