影片
更多
2023-03-27
109 瀏覽
Amis (銅鑼灣)📍銅鑼灣告士打道229-230號宇宙商業大廈地舖Amis 全白色外牆加磨砂玻璃入口，神秘感重，每次路過都會望多幾眼。所以對呢間餐廳一直印象都好深刻。趁特別日子我地book咗枱一嘗呢間路過無數次都會停留望多眼嘅法日Fusion餐廳💓輕奢裝潢時尚得來又有氣派，樓底極高，空間感十足，而且枱與枱之間留有寬敞間距，傳統fine dine setting!難得Fine Dine 當然想影多啲靚相打卡啦，窩心在於每枱都有個燈仔，夠晒光可以俾你欣賞到眼前嘅擺盤設計之餘又有足夠光源影相！餐廳主要提供 Dinner Menu 有兩種，分別係6 Courses $1380pp 同 9 Courses $1680pp.另外仲有個總廚親自為你設計嘅Omakase Menu。我地當晚就選擇咗9 Course. ⚜️Amis Tasting Menu “March”9 courses $1680⚜️開始之前職員會為你送上麵包籃，其中包含長法包，同埋Cranberries and chocolate sourdough。酸種麵包愈來愈多餐廳都有，呢間加埋莓同朱古力層次更豐富！兩種麵包都係熱辣辣外脆內
📍銅鑼灣告士打道229-230號宇宙商業大廈地舖
Amis 全白色外牆加磨砂玻璃入口，神秘感重，每次路過都會望多幾眼。所以對呢間餐廳一直印象都好深刻。
趁特別日子我地book咗枱一嘗呢間路過無數次都會停留望多眼嘅法日Fusion餐廳💓
輕奢裝潢時尚得來又有氣派，樓底極高，空間感十足，而且枱與枱之間留有寬敞間距，傳統fine dine setting!難得Fine Dine 當然想影多啲靚相打卡啦，窩心在於每枱都有個燈仔，夠晒光可以俾你欣賞到眼前嘅擺盤設計之餘又有足夠光源影相！
餐廳主要提供 Dinner Menu 有兩種，分別係6 Courses $1380pp 同 9 Courses $1680pp.另外仲有個總廚親自為你設計嘅Omakase Menu。
我地當晚就選擇咗9 Course. ⚜️Amis Tasting Menu “March”9 courses $1680⚜️
開始之前職員會為你送上麵包籃，其中包含
長法包，同埋Cranberries and chocolate sourdough。
酸種麵包愈來愈多餐廳都有，呢間加埋莓同朱古力層次更豐富！兩種麵包都係熱辣辣外脆內軟，好高質！
仲有配埋兩款極出色嘅自家製牛油🧈🔸香草煙燻牛油: Rosemary 煙燻過後再混入牛油當中，香草味濃而且牛油又滑又creamy, 配長法包一流！
🔸Brown Butter：炒至焦糖化牛油再加海鹽，幼滑程度完全唔覺得自己食緊牛油，帶有少少拖肥味，同朱古力酸種麵包好夾！
職員見咁鐘意都問要唔要多啲，咁我就唔客氣encore 多客啦🤭
雖然話麵包高質。但試完個牛油後，只可以講句「牛油比麵包好食」☺️
⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂𝓐𝓹𝓹𝓮𝓽𝓲𝔃𝓮𝓻𝓼
🔅TOMATOES CONSOMME
進入前菜/小食前，先送上蕃茄清湯。鮮茄嘅濃郁鮮甜帶微酸，最後可以食埋當中嘅鮮茄乾，更開胃！
🔅AMUSE BOUCHE日本螢光魷魚：黑白芝麻配以柚子汁。
鵝肝慕絲：面頭有無花果醬，中層係鵝肝慕絲，底層脆米餅。絲滑鵝肝，入口竟然唔油膩，仲帶有一種清新嘅感覺。
日本里芋：加入白松露油，慕絲，暖湯嘅質感好細滑且有層次。
🔅BOTAN EBI TATAKI | CAVIAR精緻嘅牡丹蝦他他，上面有片大根承載着法國魚子醬
旁邊有特別調味，綠色嘅係開心果粉，而白色粉末係白松露粉，另外仲有呀重點嘅啡色龍蝦汁！
多重調味配搭令牡丹蝦他他味道豐富唔單調！
🔅WHITE ASPARAGUS | TRUFFLE第一次品嚐白蘆筍，大條卻質感細嫩無雜質，自帶清甜感！上菜時仲會有鮮磨黑松露片，儀式感一流！
旁邊有芥茉蛋黃醬，加上微微酸嘅檸檬汁，仲有煙肉碎增加口感。
🔅AWABI TAGLIOLINI磯煮鮑魚扁意粉，以鰹魚清湯熬製。
下午時段師傅們會自製扁意粉，整個過程就係我面前個廚房度完成，仲堅持每日新鮮製造！
今次呢道菜主角係扁意粉，而非鮑魚，意粉完美吸收晒所有鰹魚湯同鮑魚精華。
入口Al Dente 之餘，味道亦極濃郁，絕非普通調味料可以營造出嘅味道。
估唔到意粉都可以做到咁出色！
🔅FRENCH MOREL MUSHROOM羊肚菌內裡釀雞肉慕絲，配白甘筍醬同松露醬。
珍貴嘅羊肚菌有複雜而獨一無二嘅氣息，餘韻味濃。
🔅"REMY MARTIN" LOBSTER SOUP滾熱嘅波士頓龍蝦雜菜湯上菜時先倒出，保持熱辣辣嘅溫度！仲另外噴上REMY MARTIN，令到飲用時有蜜餞橙子的果味！
龍蝦肉鮮甜爽彈，湯底質感濃稠，加上底部嘅雜菜一流！
⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂⁂𝓜𝓪𝓲𝓷
🔅RED PRAWN SPAGHETTI TWO WAYS +$350
紅蝦兩食，分別有紅蝦他他同埋紅蝦意粉！
紅蝦他他配上柚子同三文魚子一齊食，有別於早前食嘅牡丹蝦他他，入口更甜！
意粉用咗兩隻紅蝦蝦頭膏一齊炒，所以味道帶點甘甜！而蝦肉口感似龍蝦般爽彈。
🔅DUO OF BEEF鹿兒島A4和牛大概medium rare, 肉質柔嫩香甜！
旁邊有羊肚菌醬、黑椒醬同鮮磨芥末醬。但原味係甜最出色！
除咗兩件A4和牛外，仲有澳洲慢煮牛面頰肉。含豐富骨膠原嘅部位，慢煮過後口感更軟腍，牛味亦較重！
🔅 DESSERT DE CHEF
日式甜品：綠茶缺餅，紅豆蓉，配上運用氮氣打成嘅cream
法式甜品：蝴蝶酥，士多啤梨雪糕，白朱古力醬加雲呢拿籽
水果：日本網紋蜜瓜，波子提同日本士多啤梨
題外話/補充資料：
❣️無論環境，服務，以及食物質素都能夠媲美五星級酒店Fine Dine ！十分滿意今次體驗，期待佢地下個menu！
(以上食評乃用戶個人意見 , 並不代表OpenRice之觀點。)
張貼
