影片
更多
2009-07-08
124 瀏覽
還未儲夠錢去Intercontinental嘅The Steakhouse， 唯有每次都嚟Ruth's Chris 止止癢，確實，本人真係牛魔王，暫時我覺得呢一間餐廳嘅牛扒係香港數一數二，小妹去過Morton's都無呢度咁好食，餐廳入面，無一樣野係唔好食，最多只會係唔岩口味。。。。開始。。。。。麵包～他們說不是自家製的，上檯時還暖暖的，外皮脆，內軟熟，配以滑滑的牛油，無人阻止的話，真係會食包就飽，但！牛油配麵包只可吃一片，因為。。。。。Barbecued Shrimp～這個蝦不得不點，其實呢個sauce先係主角，蒜蓉香草牛油的混合體，一定要用麵包點嚟食，惹味到不得了，蝦size都不算小，且新鮮爽口。菠菜沙律～無乜特別，不過我又好鍾意食，可能佢哋認得我，點菜時仲問我係咪唔要洋蔥添呀！肉眼扒12安士～我要的是rare，因為呢間餐廳係用一隻好熱嘅碟嚟serve，熱到好似Stonegrill啲石咁熱，咁個扒就無咁快凍啦，但係又會愈食愈熟喎，所以order生少少好。牛扒放在牛油熱碟上，香氣四溢，刺激味蕾，我最愛肉眼嘅肥膏，最有味，肉質不會太實，又比牛柳有牛味，實為最解選擇。Side Dish～如
開始。。。。。
麵包～他們說不是自家製的，上檯時還暖暖的，外皮脆，內軟熟，配以滑滑的牛油，無人阻止的話，真係會食包就飽，但！牛油配麵包只可吃一片，因為。。。。。
Barbecued Shrimp～這個蝦不得不點，其實呢個sauce先係主角，蒜蓉香草牛油的混合體，一定要用麵包點嚟食，惹味到不得了，蝦size都不算小，且新鮮爽口。
菠菜沙律～無乜特別，不過我又好鍾意食，可能佢哋認得我，點菜時仲問我係咪唔要洋蔥添呀！
肉眼扒12安士～我要的是rare，因為呢間餐廳係用一隻好熱嘅碟嚟serve，熱到好似Stonegrill啲石咁熱，咁個扒就無咁快凍啦，但係又會愈食愈熟喎，所以order生少少好。牛扒放在牛油熱碟上，香氣四溢，刺激味蕾，我最愛肉眼嘅肥膏，最有味，肉質不會太實，又比牛柳有牛味，實為最解選擇。
Side Dish～如果我能夠，我想order晒所以side dish，但，是晚只點了露筍和芝士菠菜，芝士菠菜略嫌heavy，完成不了。
Creme Brulee～法式焦糖燉蛋，非常非常非常creamy，加上好多好多的雲呢拿籽，面層燒了焦糖，好香好香，好食好食。
Chocolate Molten Cake配雲呢拿雪糕～這不是心太軟，只是中間的朱古力漿會好似熔岩咁流出嚟，但今晚呢個，啲朱古力唔曉流喎。。。。。
死了，剛剛食完，寫緊呢篇食評時，我又留口水了。。。。。
張貼