潮州人粉麵店

營業中

休息中

早巳聽聞未夠12點都開始排隊，係咪真心咁好食先😏粉麵達人 @im_mstang 山長水遠走過嚟搵我食晏，仲點名要試呢間店。好啦！咁你去排定隊等我食飯啦☺️我都仲未出門，巳收到粉麵達人通知要落咗單先？！🤯🤯🤯咩料啊？仲有8個人係前面喎！嚇得我即刻飛叮叮嚟到正街….點知都未入得🙄嗯…整體嚟講，我哋兩個都覺得一般，比較之下隔離間粉麵店啱口味啲。唯一最大賣點係佢哋湯底與同區粉麵店唔同，有重重嘅胡椒味，好似飲胡椒豬肚湯咁。佢哋嘅魚皮好新鮮香脆，係比較厚身少少有咬口。而蝴蝶腩和魚皮餃喺同區有發掘到更好的。比較敗北嘅魚片頭，令粉麵達人失望，佢話認知中嘅魚片頭係軟滑！而我哋以為嘅「菜脯」，其實係好嘅咸梅菜乾？！除非你係胡椒腔，我個人覺得要排隊就可以略過。