Cafe Polarize

營業中

休息中

早左收工未食晏好肚餓，無意中搵到一間感覺好chill嘅Cafe，可能因為我平日下午茶時間去，地方好闊落，坐得好舒服，可以食嘢之餘亦可以飲杯咖啡慢慢嘆。主食我地食左一碟大蝦意大利粉，醬汁味道有濃濃嘅蝦味，最精彩係隻蝦有煎過，而且好大隻好彈牙。再叫咗份三文治，牛肉漢堡配埋焦糖洋蔥真係非常之夾，最鍾意佢個包煎到好香脆，加埋芝士真係好味，食完好滿足。估唔到一間小店連甜品都有，點咗一份法式西多試試，新鮮整一上枱嘅時候熱辣辣，好香但唔會好甜，好香芝士同吉左醬，2者配合得好好食。另外不得不提，呢度竟然有手工咖啡賣，除咗咖啡豆，仲可以飲到即時沖泡的手工咖啡，有幾款俾我揀，我呢個咖啡迷真係好開心，朋友仲飲到開心果鮮奶，佢話好香好滑。估唔到俾我地發現到一間咁出色嘅小店，下星期要再嚟試吓其他嘢。