影片
更多
2024-03-09
57 瀏覽
大圍周圍都好多好嘢食，今次行入少少，去咗積存街嘅呢間Xi Xup，望落係好Chill嘅Bar，原來係食越式美食！豬腩肉醬火龍法包 $88法包熱辣辣，好香脆👍🏻叫火龍法包原來係因為整包果時用左火龍果肉打，幾特別，食落個包會有啲甜味。肉醬係用越南香腸，有啲肥膏，味道好香濃；蛋黃醬輕身但好惹味，一口咬開就爆汁！炸豬肋骨 $128 （4條）炸皮貼服，唔會覺得好膩，酸甜的味道同豬肉好夾，香味有啲似糖醋汁，而豬肋骨嘅肉以芫茜、香蔥、炸蒜吊味，就更加香口！香茅焗曹魚 $148 好豐富的香料，成條魚用錫紙包住，啱啱焗好熱辣辣！魚唔算好大條，但都好夠食，魚肉焗得好冧，入口鮮甜，味道突出；魚身內籠都釀咗香茅、香葉同蕃茄，加埋個底嘅少少酸辣汁，所有嘢都好香口，另外仲有魚露可以點，鹹鹹哋就會似返中式嘅配搭豬頸肉米紙 $48米紙好滑溜，偏厚身，食落口感豐富，好似食緊腸粉咁，點埋酸甜嘅魚露就更提鮮！Jasmine Lager $68餐廳有賣好多喺越南入口嘅手工啤，呢款飲落甜度適中，散發淡淡的茉莉香味，十分易入口
去咗積存街嘅呢間Xi Xup，望落係好Chill嘅Bar，原來係食越式美食！
豬腩肉醬火龍法包 $88
法包熱辣辣，好香脆👍🏻叫火龍法包原來係因為整包果時用左火龍果肉打，幾特別，食落個包會有啲甜味。
肉醬係用越南香腸，有啲肥膏，味道好香濃；蛋黃醬輕身但好惹味，一口咬開就爆汁！
炸豬肋骨 $128 （4條）
炸皮貼服，唔會覺得好膩，
酸甜的味道同豬肉好夾，香味有啲似糖醋汁，
而豬肋骨嘅肉以芫茜、香蔥、炸蒜吊味，就更加香口！
香茅焗曹魚 $148
好豐富的香料，成條魚用錫紙包住，啱啱焗好熱辣辣！
魚唔算好大條，但都好夠食，魚肉焗得好冧，入口鮮甜，味道突出；
魚身內籠都釀咗香茅、香葉同蕃茄，加埋個底嘅少少酸辣汁，所有嘢都好香口，
另外仲有魚露可以點，鹹鹹哋就會似返中式嘅配搭
豬頸肉米紙 $48
米紙好滑溜，偏厚身，食落口感豐富，好似食緊腸粉咁，
點埋酸甜嘅魚露就更提鮮！
Jasmine Lager $68
餐廳有賣好多喺越南入口嘅手工啤，呢款飲落甜度適中，
散發淡淡的茉莉香味，十分易入口
張貼
