Xi Xup

大圍積存街好多好嘢食, 大家都知.但行多幾條街, 冇諗過會搵到間咁有驚喜嘅越南餐廳.一入門口就俾佢嘅裝修吸引住.個feel有啲似酒吧.牆上面有一幅好大嘅越南少女壁畫.餐廳氣氛好舒服.講下食物先.大叻Pizza (HK$88)餅底好薄好脆.剪開嘅時候會有「咔嚓咔嚓」聲.餡料有得揀牛肉或者雞肉, 我揀咗雞肉.Pizza上面仲有蝦米、肉鬆、蔥同埋蛋.食落有啲鹹香味同少少甜.個醬酸酸甜甜, 少少辣.我覺得唔點醬都好食.豬頸肉春卷撈檬 (HK$88)份量都幾多.除咗燒豬頸肉、炸蝦春卷同檬粉, 仲有炭燒豬肉串、勁多生菜同青瓜.個汁酸酸甜甜好開胃.春卷偏鹹, 但咬落好脆.裡面隻蝦好大隻, 仲有啲肉碎.豬頸肉好香, 唔韌.燒豬肉米紙卷 (HK$48)真係有驚喜.米紙皮煙韌.餡料有燒豬肉、檬粉、蘿蔔絲、生菜, 層次豐富.燒豬肉口感結實.點花生醬食, 勁好味!整體嚟講, 呢間餐廳個vibe幾好.坐得好舒服.食物賣相靚, 味道有層次.特別推介米紙卷.我食完仲回味緊.我下一定要試埋其他嘢食!…Read More

之前食過有牛骨髓嘅越南牛河唔錯，而且都有啲創意菜式，所以就再嚟試吓其他菜。斑蘭蜆配法包 $108飲一啖湯，好清甜嘅味道！混合咗椰青、椰子嘅甜味、斑蘭獨有嘅香味、香茅同埋少少薑味，混合出一個清甜得來又好有東南亞風味嘅湯底。至於蜆都大隻冇沙，頗甜。不過配嘅法包就唔得。個包呈現紅色，好似好特別咁，但係食落勁普通，唔爽脆又冇味。個湯好清甜，但唔配個包，點完湯之後冇咩味之餘，仲變成軟腍腍軟爛嘅口感，好唔okay。覺得一係改成配飯，或者配個蒜蓉包就咁食會更好。❌燒豬肉米紙卷 $48米紙卷好大份，睇落好飽。米紙質地幾煙靭，但入邊mix and match嘅材料就好普通，係酸蘿蔔配咗大量嘅米粉，加少少烤豬肉。我會期待食到係烤豬肉嘅味道，而唔係成口都係米粉嘅感覺。👌🏼火魔牛肉 $68上枱先用個蓋冚住個煲，再用火點燃外面，儀式感十足。味道方面，牛肉係普通好薄嗰種肥牛質感，味道係比較濃烈嘅黑椒洋蔥味。整體係黑椒洋蔥炒牛肉嘅味道。❌火龍法包（豬腩肉醬） $88千祈唔好喺呢度食法包！上面提到法包配蜆已經唔掂，呢到嘅法包雖然染咗鮮艷嘅色彩，但係完全冇越南法包suppose有嘅外脆內軟。佢嘅皮非常之唔脆，亦都冇麵包香。而呢個法包居然只係加左一d 醬喺上邊，完全唔係期待中越南法包嘅mix and match 味道。結論係唔知食咗啲乜嘢，完全唔推介。👌🏼越南牛河另外原來佢有牛骨髓嘅越南牛河唔係成日有得供應。今次來就冇貨，只可以食普通嘅越南牛河，就正常一般嘅味道。總結係呢間小店餐單嘗試有新意，部份菜式可以，但係就千祈唔好食法包，米紙卷都麻麻。…Read More

Lunch時間，咁早連生牛河都冇，得雞絲。叫左個火龍法包，個包唔熱，又唔脆，個醬咸到爆。同侍應反映，佢冇反應。另外叫左個牛肉米紙卷，普普通通，冇乜特別。如果唔係可以帶狗入去，88蚊可以更多餐廳選擇。…Read More

最近去咗大圍新興嘅人氣越南餐廳 Xi Xup, 真係越開越旺！我哋揀咗週末晚市去，果然名不虛傳，未到六點半已經全場爆滿，門口仲有人等位。建議大家一定要早去或者訂位，否則要等好耐。 - Summer Rolls ($48) 鮮蝦米紙卷，內餡清爽，蝦肉彈牙，配上酸甜魚露汁，開胃又解膩。 - 蝦醬通菜 ($78) 份量好多，d通菜嫩 ，一d都唔痴牙，，炒得好香，呢個係off menu 架，係店員同我地推介嘅，大家不妨碰下運氣叫份黎試下- Pho X ($148) 招牌牛骨牛肉粉，用料十足，有齊牛肉、牛丸同骨髓，湯底清甜帶濃郁牛香，唔會太油膩；pho滑溜，牛肉片薄而嫩滑，加埋少少青檸同辣椒，味道更突出。 - Com Tam ($98)越南豬扒煎蛋飯飯，豬扒好大件，略嫌佢煎得過火同有d筋位難咬，但個香茅醃味好好味，帶微焦香氣，非常惹味。- Coconut Coffee ($48) 咖啡香濃，加上椰子嘅香甜，味道層次豐富，甜而不膩，好啱打卡同慢慢嘆。 - Pandan Milk ($38) 綠色飲品顏值高，帶淡淡斑蘭香氣，奶味順滑，係小清新之選。 兩個人食咗六樣嘢，加一服務費，一共 500蚊。以大圍區嚟講唔算平，但食材質素、環境同氣氛都算對得住價錢。 餐廳裝潢走文青風，木枱木椅加上暖黃燈光，感覺輕鬆舒服，幾有越南小店 vibe。週末真係好旺場，氣氛熱鬧，但人多時稍嫌嘈雜。 …Read More

不是越南菜愛好者，隨著某麗水準的下滑，也很久沒有吃越南菜了這次吃到這麼好吃的越南菜純屬意外 也不是商場裡的連鎖店，真的在大圍居民大樓裡的小店 但一進去我就很喜歡店裡的裝潢，像一部泛黃帶顆粒感的老電影，特別有情調沒想到食物也一樣好吃⭐生牛肉越南粉⭐扎肉豬肉法包⭐蝦乾炒玉米⭐串燒新鮮雞肉⭐青檸蘇打，椰子咖啡都試過了，絕對可以盲點，📌生牛肉粉湯頭鹹鮮，牛肉香，有大幾片，很好吃；📌玉米看上去平平無奇但意外一口接一口停不下來；📌法包得趁熱吃，黃瓜絲，醬，扎肉和豬肉的融合度💯 ；📌串燒雞肉必點，店員特地告訴我們這是當日隱藏菜單，當日菜市場買的新鮮雞肉，試了之後確實新鮮，非常彈牙，燒的也剛好，調味也剛好，隔壁綠色的醬更是沒嚐過的味道。推薦大家一定要點飲品，很出片，很好看，椰子咖啡用的椰子沙冰混合咖啡液，顏值高又好喝，青檸梳打也是天然的味道不知道有沒有感受到我推薦這家店的誠意，住大圍沙田附近的朋友來，不過餐廳晚上還挺滿的，建議先訂位…Read More