Sweet Craft (已結業)

位於紅磡既呢間Café shop 餐廳設計簡約。店舖開闊寬敞，絕對係坐一坐hea一hea既好地方。呢間Coffee shop不提供主食，只售飲料、雪糕。本店人氣招牌係雪花冰&黑芝麻雪糕，係在場每枱客都食緊既野😂但我特別啲嗌咗杯黑糖紫薯牛奶，無糖走冰。我睇網上食評好似冇人嗌過呢杯飲，我係首個😂味道嚟講，勁似自家製😂。因為開放式廚房，所以見到員工製作過程，呢杯用上明治鮮牛奶配上大量紫薯，仲食到紫薯一絲絲既口感😳。用材一啲都唔手軟，大量既紫薯泥，所以入口紫薯味勁濃。呢杯本身應該有埋黑糖口味，但我嗌無糖，所以冇咗黑糖味道。整體嚟講，味道冇咩特別驚喜，但天然，唔會太甜，而且甜味都係嚟自紫薯本身。我飲完之後有個大疑問就係發現杯中有不明黃色異物？望落似煉奶，但idk🙄嚟到紅磡，可以嚟呢間飲下野，但唔洗嗌呢杯，太普通🙅🏻‍♀️，好飲歸好飲，可惜係自己都整到既味道...而且價錢又唔平，性價比太低，費時哂錢，不如都係俾多幾蚊嗌啲招牌特色好啲，雪花冰都係比呢杯貴幾蚊，仲要有得飲有得食同打卡添。