影片
更多
2025-04-20
0 瀏覽
今次介紹中環新開呢間 Servo，位於安蘭街，前身係 Moxie ，餐牌上有唔少素食選擇，包括 vegetarian 同 plant based 。😊由於不是位處最旺地域，餐廳感覺幾 chill，店舖設有吧檯（有酒飲果種），正常方枱，亦有兩張望街圓枱仔（可以睇下啲網紅打卡 🤣🤣）。真漢子試咗幾樣嘢，都屬純素 plant based ：☕ 一「杯」湯配烤意式香草麵包 Cuppa soup, toasted focaccia $68店員先提醒係蕃茄湯，我諗可能有啲怕食酸嘅人唔知，叫咗後悔？我就非常鍾意。首先佢個湯超熱，熱到可以淥麵果種。個湯食到好多蕃茄蓉，當然帶少少酸，但好鮮味。除咗相片見到嘅香草，入面仲加咗啲松子仁，幾特別。😃🥞 蕃薯班戟配雜莓醬,英式腰果蛋奶醬,楓糖漿Sweet potato pancakes, berry compote, cashew anglaise, maple syrup $88Pancake 要等大約 15 分鐘度，蕃薯 pancake 第一次食，本身唔太甜，烘到外面微脆，入面煙煙韌韌，幾得意。面頭嘅雜莓醬味道當然最搶，唔想太重口味可以點吓腰果蛋奶醬（個名嚟
由於不是位處最旺地域，餐廳感覺幾 chill，店舖設有吧檯（有酒飲果種），正常方枱，亦有兩張望街圓枱仔（可以睇下啲網紅打卡 🤣🤣）。
真漢子試咗幾樣嘢，都屬純素 plant based ：
☕ 一「杯」湯配烤意式香草麵包
Cuppa soup, toasted focaccia $68
一「杯」湯配烤意式香草麵包
$68
336 瀏覽
0 讚好
0 留言
店員先提醒係蕃茄湯，我諗可能有啲怕食酸嘅人唔知，叫咗後悔？我就非常鍾意。首先佢個湯超熱，熱到可以淥麵果種。個湯食到好多蕃茄蓉，當然帶少少酸，但好鮮味。除咗相片見到嘅香草，入面仲加咗啲松子仁，幾特別。😃
🥞 蕃薯班戟配雜莓醬,英式腰果蛋奶醬,楓糖漿
Sweet potato pancakes, berry compote, cashew anglaise, maple syrup $88
蕃薯班戟配雜莓醬,英式腰果蛋奶醬,楓糖漿
$88
380 瀏覽
0 讚好
0 留言
Pancake 要等大約 15 分鐘度，蕃薯 pancake 第一次食，本身唔太甜，烘到外面微脆，入面煙煙韌韌，幾得意。面頭嘅雜莓醬味道當然最搶，唔想太重口味可以點吓腰果蛋奶醬（個名嚟啫，冇蛋奶嘅）同楓糖漿一齊食。😋
🥪 烤三文治配沙律，洋薊, 西班牙鷹嘴紅椒, 羅勒青醬
Toasties served with house salad, Artichoke, piquillo, basil pesto $88
烤三文治配沙律，洋薊, 西班牙鷹嘴紅椒, 羅勒青醬
$88
470 瀏覽
1 讚好
0 留言
醬汁唔知點解食落有啲腐乳味，但唔係伏果種，而係幾開胃。個三文治望落好似好燶，但食落係正常。個沙律用咗啲泡菜，但唔記得問係咪純素嘅泡菜，sor 😐。而我都唔肯定佢哋係咪每日嘅沙律都係呢個配搭，如果有食開嘅素友可以留言分享吓。🙏🏻
烤三文治配沙律，洋薊, 西班牙鷹嘴紅椒, 羅勒青醬
$88
476 瀏覽
0 讚好
0 留言
適逢復活節，佢哋推出應節嘅 homemade hot cross bun，盛惠 $48 一個。店員話係 vegan 嘅，用 soy milk 造。我果晚同外籍英文老師講起，佢話細個係成日食嘅，但就唔係咩貴嘢 🤣，同我傾開都好有童年回憶咁話。而真漢子就第一次食，麵包好新鮮，熱辣辣，仲送埋好好味嘅紅梅醬添。🍒
Homemade hot cross bun
$48
514 瀏覽
0 讚好
0 留言
飲品方面試咗凍 latte $38（冷熱同價），開得响咁多西人嘅中環，咖啡當然優質啦，而且轉豆奶或燕麥奶唔使加錢。🥛
Latte
$38
716 瀏覽
0 讚好
0 留言
想健康啲亦可飲 smoothie & shake，我試咗呢個香蕉, 椰棗, 開心果, 杏仁奶, 亞麻籽 （Majoon - banana, date, pistachio, almond, flax seed），咁大杯又真材實料，都只係 $55，比好多其他區嘅 cafe 都仲要平，非常推介。💯
香蕉, 椰棗, 開心果, 杏仁奶, 亞麻籽
$55
343 瀏覽
0 讚好
0 留言
佢哋 社交平台嘅 story highlights 餐牌有 lunch，但由於真漢子一次去係朝早，一次去係兩點半後，所以見唔到呢個餐牌。🥲
特別鳴謝素友提起，我先認識呢間餐廳，否則就冇呢個 post 嘅出現喇。😆
張貼
