NENE CHICKEN (朗豪坊)

營業中

休息中

Nene chicken成班朋友聚餐最啱暴飲暴食㗎啦🙈🙈🙈今次就暴食炸雞，nene chicken係韓國過嚟嘅餐廳，聽講喺韓國好受歡迎先至過嚟香港。餐廳推出左任食套餐$158 一次過可以食晒佢哋11款口味炸雞，由於3人以上同行，仲送一個芝士鍋俾我哋慢慢食。好食: 1. 白郡主炸雞，一定要食呢個，上面有少少洋蔥絲配埋酸酸甜甜嘅醬汁，感覺唔會太肥膩，好香。2. 初雪炸雞，炸雞上面鋪滿大量芝士粉，好食唔使講啦。3. 招牌炸雞，唔係純粹炸雞咁簡單，上面有埋芥末醬，好好食。至於個芝士鍋，我同朋友都覺得個芝士味有啲奇怪 ，所以基本上冇咩點食。