車厘餐廳

營業中

休息中

我覺得呢度嘅羅宋湯係全港最好飲！好多菜、好足料、夠哂味！！但係佢嘅位置唔明顯，喺水街，比較黑，好似冇乜人察覺到佢嘅存在。所以多數幫襯嘅都係附近嘅街坊。除咗個湯，多士都烘得好薄好脆！通常我都係叫石斑意粉/飯/薯菜，石斑煎得啱啱好，皮脆內軟，意粉多汁，真係會比好多汁你除左杯飲嘢比較失色之外（因為通常你叫華田、好立克都會比較稀）其他嘢都好出色！特別係每次見到廚師好用心煮，每次你都會熱情招呼，每次埋單之後都好有禮貌咁講多謝拜拜，好窩心！有時見到佢夜晚好似靜左（佢地又無加萌panda同roo記）希望多啲人識得呢一間小店，多啲支持佢！