影片
更多
2020-01-06
238 瀏覽
喺附近做完嘢，因為已經十點幾，見到呢間火鍋店10點後全單八五折就決定試吓！鋪頭裝飾都幾有心思，好古色古香，卡位好大，四個人坐好闊落。我哋叫咗兩個湯底，一個係酸菜白肉湯，另一個係蜂巢豆腐白湯。叫酸菜白肉湯嘅話幾抵食，因為酸菜白肉可以無限量添加。兩個湯底之中我自己個人比較鍾意酸菜白肉，啲酸菜整得幾好食， 同埋個湯底都幾夠味，啲料落落去之後都唔使點醬料食，非常推薦！一行人叫咗好多嘢食，其中比較推薦極品安格斯肥牛同酒槽五花肉。極品安格斯肥牛擺上盤嘅時候好靚！大家都忍唔住要相機食先！而肥牛嘅雪花分佈得好靚，入口牛味好濃！好食。酒槽五花肉係咁多樣嘢入面我覺得最好食嘅，本身舊肉其實已經熟咗，擺落湯底30秒整熱返之後再食，肉上面仍然有好似醉雞嗰種酒嘅味道，唔會因為灼熱咗而令酒精蒸發！脂肪同肉嘅比例啱啱好，食落唔會太油，推薦！最後食完有腐足雞蛋沙冰做糖水，係送嘅，用嚟裝沙冰嗰個器皿都好古色古香，好似古代嘅酒杯咁！飲落去甜甜地，唔會話太甜，但係唔係好飲得出係腐足雞蛋沙冰，唔知係咪因為冇晒所以俾咗蜜桃沙冰，但係都係好飲嘅！最後埋單大約一個人$200，價錢黎講每一樣野都比普通火鍋店貴，但係每一樣嘢嘅份量都好大
鋪頭裝飾都幾有心思，好古色古香，卡位好大，四個人坐好闊落。
我哋叫咗兩個湯底，一個係酸菜白肉湯，另一個係蜂巢豆腐白湯。叫酸菜白肉湯嘅話幾抵食，因為酸菜白肉可以無限量添加。兩個湯底之中我自己個人比較鍾意酸菜白肉，啲酸菜整得幾好食， 同埋個湯底都幾夠味，啲料落落去之後都唔使點醬料食，非常推薦！
一行人叫咗好多嘢食，其中比較推薦極品安格斯肥牛同酒槽五花肉。極品安格斯肥牛擺上盤嘅時候好靚！大家都忍唔住要相機食先！而肥牛嘅雪花分佈得好靚，入口牛味好濃！好食。
酒槽五花肉係咁多樣嘢入面我覺得最好食嘅，本身舊肉其實已經熟咗，擺落湯底30秒整熱返之後再食，肉上面仍然有好似醉雞嗰種酒嘅味道，唔會因為灼熱咗而令酒精蒸發！脂肪同肉嘅比例啱啱好，食落唔會太油，推薦！
最後食完有腐足雞蛋沙冰做糖水，係送嘅，用嚟裝沙冰嗰個器皿都好古色古香，好似古代嘅酒杯咁！飲落去甜甜地，唔會話太甜，但係唔係好飲得出係腐足雞蛋沙冰，唔知係咪因為冇晒所以俾咗蜜桃沙冰，但係都係好飲嘅！
最後埋單大約一個人$200，價錢黎講每一樣野都比普通火鍋店貴，但係每一樣嘢嘅份量都好大，價錢來講都算合理。平時出去食火鍋任食可能一個人都要$200，但係呢間啲料就高質好多，都推薦大家試吓。
張貼