人生有限杯.串燒店

營業中

休息中

人生有限杯係中環一間超高性價比嘅串燒店, 睇睇menu格局有啲似曾相識, 原來好似係燒烤堂嘅副線, 咁掂喇, 姐係有提供多款美味嘅串燒選擇, 性價比又好高! 但係款式又真係同燒烤堂再有唔同有特別嘢, 又係匿埋眼亂嗌都應該冇伏特推: 呢度嘅蒜香菜莆燒蠔真係一絕, 超肥美! 蠔肉鮮嫩多汁, 配上蒜香同埋菜莆嘅獨特風味, 令人一試難忘, 每一口都充滿濃郁嘅蒜香味，再加上菜莆嘅微辣微甜, 真係好正! 另一個必試嘅係焦香雪糕三文治, 呢個真係要講粗口先掂, 係好L好食😆 佢將香脆嘅三文治同滑溜嘅雲呢拿雪糕完美結合, 外層焦香酥脆, 內層雪糕口感層次豐富, 冰火組合冇得輸, 每一口都係一種享受🥹人生有限杯嘅環境亦都好舒適, 服務員態度親切友善, 無論係同朋友聚會定係家庭聚餐, 呢度都係一個好選擇