嚐館 (已結業)

疫情關係無得堂食，以為無得食一餐好好食既西餐，點知前幾日經過黃大仙中心呢間西餐廳，望一望門口餐牌，發現佢有唔同種類嘅食物非常吸引，我哋叫左一個香蒜茄醬雞肉意粉、海膽汁蟹肉帶子意大利飯，野飲方面，我哋見佢個咖啡類圖片非常吸睛，一杯係凍拿鐵咖啡，一杯係抹茶鮮奶，除此之外，再叫多左一個炸魚薯條，這個先講下個香蒜茄醬雞肉意粉，茄汁味濃郁，雞肉嫩滑，而且意粉唔會煮得太冧，唔會煮到一padpad冧哂好難食，而海膽汁蟹肉帶子意大利飯，佢嘅海膽汁味道非常濃郁同creamy，再加埋新鮮嘅帶子帶出左成個意大利飯既鮮味，成個飯煮得非常出色，至於炸魚薯條，魚炸得非常香脆，絕對唔會粉太多，魚太少，而且薯條都係新鮮炸，熱辣辣非常脆口，飲品方面，我杯拿鐵咖啡，奶同咖啡嘅比例適中，又唔會太過甜，好好飲，而抹茶鮮奶佢嘅抹茶味好香，再加埋奶味嘅細滑，令人回味無窮，總括而言，呢間餐廳可以俾到我，疫情之下食到咁好味嘅西餐，實在值得一試。