棋哥燒鵝餐室

營業中

休息中

突然之間好想食燒味，係炮台山行行下見到棋哥就決定入黎食個好耐無食既燒鵝飯。個燒鵝飯黎到，第一個感覺就係’嘩！咁多既！’。因為我本身無食過棋哥，所以唔知份量有幾多，但真係嚇我一跳，抵食！咁我開頭諗住試下本身燒鵝咩味道，所以未落燒鵝醬住。咁入口啲肉就比較實，但咬多兩下就慢慢有燒鵝汁流出黎，令到成件事好味左好多。之後我落左啲燒鵝醬，酸酸甜甜，同燒鵝真係好夾，好彩我有落到！真係好食好多！環境黎講都尚算可以接受，舖頭唔係太大，所以啲位有啲近，但我去個鐘數無乜人，所以無乜影響。