影片
更多
2003-07-25
45 瀏覽
呢度位於西港城側，地點不太方便，大熱天時要由中環行來都幾係。一行六人叫了半隻炸子雞、幾個點心同電話訂了個大的焗西米布甸。有人話炸子雞係鳳城特色，咁食落又係幾好食的，燒得唔太乾，不用舖滿炸蒜蓉作掩飾，雞肉頗嫩滑，皮光滑而有雞汁流出，明顯與東寶般是生炸而非浸熟隻雞才炸，要看炸子雞的「偷雞版」請看銖記。不過就縑細碟左少少，一人兩三舊好快食完。半隻60蚊，全隻一百，下次有多D人一定叫一隻。點心亦甚有水準，其中以高湯炸粉果最受歡迎，粉果炸得香脆，好味道，浸唔浸附加的上湯都好吃。同檯的同事以往炸粉果是創新點心，但其實由來已久，只不過現在還有供應的酒樓不多；蝦多士都香口好吃；煎腸粉兩面都煎得香脆可口，可惜得8條唔係咁夠喉。焗西米布甸一窩上，份量足夠12人，務求食到大家夠皮為止，布甸夠香滑，牛油味亦濃郁，唯獨是蓮蓉太厚太甜，結果大家都剩番D蓮蓉在窩底。80蚊一大窩抵過去任何一間甜品舖。埋單每人七十蚊有找，都算唔太貴，不過就要曬住太陽咁行番轉頭……味道：5 環境：4 服務：4 衛生：4 抵食：4 總體上：笑(食得過)
一行六人叫了半隻炸子雞、幾個點心同電話訂了個大的焗西米布甸。
有人話炸子雞係鳳城特色，咁食落又係幾好食的，燒得唔太乾，不用舖滿炸蒜蓉作掩飾，雞肉頗嫩滑，皮光滑而有雞汁流出，明顯與東寶般是生炸而非浸熟隻雞才炸，要看炸子雞的「偷雞版」請看銖記。不過就縑細碟左少少，一人兩三舊好快食完。半隻60蚊，全隻一百，下次有多D人一定叫一隻。
點心亦甚有水準，其中以高湯炸粉果最受歡迎，粉果炸得香脆，好味道，浸唔浸附加的上湯都好吃。同檯的同事以往炸粉果是創新點心，但其實由來已久，只不過現在還有供應的酒樓不多；蝦多士都香口好吃；煎腸粉兩面都煎得香脆可口，可惜得8條唔係咁夠喉。
焗西米布甸一窩上，份量足夠12人，務求食到大家夠皮為止，布甸夠香滑，牛油味亦濃郁，唯獨是蓮蓉太厚太甜，結果大家都剩番D蓮蓉在窩底。80蚊一大窩抵過去任何一間甜品舖。
埋單每人七十蚊有找，都算唔太貴，不過就要曬住太陽咁行番轉頭……
味道：5 環境：4 服務：4 衛生：4 抵食：4 總體上：笑(食得過)
張貼