Mint & Basil (海堤灣畔)

營業中

休息中

不嬲東涌都唔容易搵到好嘢食，今日去完沙灘就去咗東薈城附近嘅海堤灣畔，今日食呢間Mint & Basil | Thai, Vietnamese & Indian Cuisine Restaurant。佢主打係正宗嘅印度嘢同泰國菜，我就試咗幾道經典菜式。Vegetarian Samosa脹卜卜嘅外型入面有青豆薯仔洋蔥，用油炸完之後香脆可口，微辣又香口惹味。配搭薄荷醬或甜酸醬令到熱辣辣嘅感覺更加適中。黃咖喱蟹肉整道菜都充滿黃咖喱椰漿同其他香料，配合適中嘅蟹肉比例，濃滑滑蛋嘅醬汁。整個配搭都非常一流，配上白飯完全係可以令人食多幾碗。海鮮冬陰功湯經典嘅煮法，以香茅、南疆、辣椒、乾蔥頭、青檸等等嘅香料出嚟冬陰功湯，再加上海鮮料十足！真係飲多兩碗都冇問題。Tandoori Chicken每次我食印度嘢都一定要點嘅Tandoori Chicken，用masala & yogurt醃出嚟，並且用焗爐烤火嘅印度烤雞真係超級惹味濃郁。係最有印度風味嘅一道菜。總括嚟講，呢間餐廳嘅服務一流，環境都好好，絕對適合同一班朋友嚟飲酒食飯。