影片
更多
2024-06-11
395 瀏覽
一喜‧涮涮鍋 （29/5/2024）今日同朋友去太古城親友屋企打麻雀，打完後就同朋友去食晚飯，我同朋友都好喜歡食火鍋，親友就介紹我哋去康怡廣場北座一間火鍋店食，佢話間火鍋店啲食物好好食，價錢亦唔貴。這間火鍋店叫一喜‧涮涮鍋，位於太古康山道1-2號康怡廣場北座3樓T2號舖，港鐵太古站A2出口，行幾分鐘就到，非常方便。火鍋店環境闊落，乾淨企理，地方光猛，設有自助區，枱與枱之間空間都大，座位都寬闊，令人坐得舒服。店員有禮貌，服務態度好，來這裏食真係唔錯。這間火鍋店是日式唰唰鍋放題專門店，有90分鐘主餐牌放題，火鍋店以QR CODE掃碼任食下單叫牛肉、豬肉、雞肉、海鮮，店內就有全部自助區域，任選任食嘅食物，包括有小食、前菜、粉麵飯、蔬菜類、丸類、甜品、飲品，真係有好多食物任食，仲有成10種嘅調味品任選來點食物。我哋就叫咗澳洲安格斯牛板腱唰唰鍋放題，湯底選擇都唔少亦各具特色，我哋點了椰子雞白湯鍋，湯裏面有熱帶風味清新椰子、日式鮮甜雞、紅棗、蜜棗，真係滋味結合，亦有益氣補腎之用，湯底清澈乳白色，入口鮮味清甜，火鍋前我都飲咗幾碗。食火鍋怎可少得吃肉類，牛肉就點了我哋至愛的澳洲安格斯牛板腱和極品美國牛
今日同朋友去太古城親友屋企打麻雀，打完後就同朋友去食晚飯，我同朋友都好喜歡食火鍋，親友就介紹我哋去康怡廣場北座一間火鍋店食，佢話間火鍋店啲食物好好食，價錢亦唔貴。這間火鍋店叫一喜‧涮涮鍋，位於太古康山道1-2號康怡廣場北座3樓T2號舖，港鐵太古站A2出口，行幾分鐘就到，非常方便。火鍋店環境闊落，乾淨企理，地方光猛，設有自助區，枱與枱之間空間都大，座位都寬闊，令人坐得舒服。店員有禮貌，服務態度好，來這裏食真係唔錯。
這間火鍋店是日式唰唰鍋放題專門店，有90分鐘主餐牌放題，火鍋店以QR CODE掃碼任食下單叫牛肉、豬肉、雞肉、海鮮，店內就有全部自助區域，任選任食嘅食物，包括有小食、前菜、粉麵飯、蔬菜類、丸類、甜品、飲品，真係有好多食物任食，仲有成10種嘅調味品任選來點食物。我哋就叫咗澳洲安格斯牛板腱唰唰鍋放題，湯底選擇都唔少亦各具特色，我哋點了椰子雞白湯鍋，湯裏面有熱帶風味清新椰子、日式鮮甜雞、紅棗、蜜棗，真係滋味結合，亦有益氣補腎之用，湯底清澈乳白色，入口鮮味清甜，火鍋前我都飲咗幾碗。
食火鍋怎可少得吃肉類，牛肉就點了我哋至愛的澳洲安格斯牛板腱和極品美國牛肩胛肉。 澳洲安格斯牛板腱油花細膩分佈均勻，口感軟嫩帶有彈性，肉汁豐富鮮香，牛肉軟嫩， 肉味濃郁，只需要輕輕一涮， 已經吸收了湯底精華 ，鮮味大大提升。 極品美國牛肩胛肉顏色嫩紅，脂肪分佈平均， 軟嫩滑溜，細膩肉汁充滿口腔，牛味亦濃，入口爽滑有嚼勁。豚肉有美國豚肉，都係薄切既，豚肉肥瘦適中，唔使烚好耐，又唔會柴，肉質爽滑而肉味較重，與雞白湯非常夾，而雞腿肉肉多極厚，咬落啖啖肉，嫩滑又多汁，相當唔錯。海鮮方面有海蝦、廣島蠔、帆立貝、墨魚仔，十分新鮮，只需灼數秒， 鮮味帶彈性，尤其是海蝦大隻， 蝦肉爽口彈牙，鮮味吸引。
前菜方面雪櫃有中華沙律、日式墨魚同豆腐、中式麻辣魚皮、韓式泡菜，有味付螺肉、玉子豆腐等，樣樣都唔錯，小食方面有炸帶子、炸帶子、炸魷魚鬚、炸蕃角和章魚小丸子，全部剛剛炸起，熱辣辣脆卜卜，好味好食，好配合火鍋湯未滾前就有嘢食，食落都令人開胃。另外仲有紫菜絲同珍珠飯，自己可以炮製紫菜飯來吃。飲品方面，種類亦非常之多，好多都係韓式飲品，有果汁、茶飲、汽水、清水，以至咖啡等，應有盡有，相當多任飲選擇。
蔬菜方面都幾新鮮，同埋清潔乾淨，有西洋菜、生菜、白菜、金菇、秀珍菇、粟米、冬瓜、南瓜、節瓜、番薯、青瓜、蕃茄、蓮藕等，真係好多好多新鮮蔬菜來任食，還有不少得吃嘅響鈴和生根。丸類方面亦多，有墨汁丸、蟹籽丸、香芋魚丸、台灣腸、墨魚丸、魚蛋、獅子狗、海膽三文魚丸，種類夠晒豐富，仲有烏冬、公仔麵，一定唔會唔夠飽。最後梗係要食埋啲甜品，有有泡芙、朱古力蛋糕、啫喱，仲有雪糕同牛奶雪條，最正係牛奶雪條，奶味香濃甜度亦啱啱好。
這間火鍋店好值得推薦俾大家，食得好滋味，又好抵食，食物水準都高，價錢又唔貴，店員服務態度又好，食物任選任食真係好多，我哋下次都會再來食放題。
張貼
