影片
更多
2022-04-25
2700 瀏覽
今次嚟到尖沙咀Hyatt Regency嘅Hugo’s，試下佢嘅signature牛牛🥰餐廳裝修好靚，一入門口已經感覺到好強烈嘅復古風情，而且樓底好高，一啲壓迫感都冇。餐廳嘅左邊係一個open kitchen，可以見到廚師努力準備菜式嘅過程，成個感覺十分之親切😝Lunch時段，fixed咗只能夠食set。但唔好睇少呢個set，入面份量都相當多🤣🤣Bread Platter為呢個lunch打響頭炮嘅當然係一個豐富嘅麵包拼盤😍今次有齊Onion Bread，Garlic Bread同Baguette。洋蔥包外脆內軟，入面有一層層嘅酥皮，口感好richy。洋蔥油味係好香，不過食到最入面個芯先食得出，有啲唔夠喉😂蒜蓉包正常水準，不過蒜蓉味唔夠香，而且麵包偏硬，適宜點湯食。最後嘅Baguette直情係硬過我條命，加上太多嘢食，直接放棄咗😂Seasonal Oyster男朋友點嘅生蠔，我就冇份食。不過據佢講係高質嘅，雖然唔肥美，但好鮮甜，連檸檬汁都可以唔洗落。Selection from the Hors d’oeuvre Trolley一個好好玩嘅環節🤣會有人推個旋轉餐車過嚟俾你揀想食咩👏🏻餐車
餐廳裝修好靚，一入門口已經感覺到好強烈嘅復古風情，而且樓底好高，一啲壓迫感都冇。餐廳嘅左邊係一個open kitchen，可以見到廚師努力準備菜式嘅過程，成個感覺十分之親切😝
Lunch時段，fixed咗只能夠食set。但唔好睇少呢個set，入面份量都相當多🤣🤣
Bread Platter
為呢個lunch打響頭炮嘅當然係一個豐富嘅麵包拼盤😍今次有齊Onion Bread，Garlic Bread同Baguette。洋蔥包外脆內軟，入面有一層層嘅酥皮，口感好richy。洋蔥油味係好香，不過食到最入面個芯先食得出，有啲唔夠喉😂蒜蓉包正常水準，不過蒜蓉味唔夠香，而且麵包偏硬，適宜點湯食。最後嘅Baguette直情係硬過我條命，加上太多嘢食，直接放棄咗😂
Seasonal Oyster
男朋友點嘅生蠔，我就冇份食。不過據佢講係高質嘅，雖然唔肥美，但好鮮甜，連檸檬汁都可以唔洗落。
Selection from the Hors d’oeuvre Trolley
一個好好玩嘅環節🤣會有人推個旋轉餐車過嚟俾你揀想食咩👏🏻餐車入面都有相當多嘅選擇，餐廳職員會逐樣介紹一次，但最後佢哋都會提議每樣夾少少俾你，可以按要求唔要某啲食物。入面有齊海鮮、沙律同凍肉，樣樣都新鮮，仲要大大份，食完都飽咗一半🤣
Lobster Bisque
圖中份量係一開二嘅，因為實在驚食唔哂。湯好香濃，但唔會濃到好辛苦先吞到落口，同食到有龍蝦肉！我就揀咗用埋啲包嚟點個湯嚟食🤣🤣
Roasted US Prime Rib
講咗咁耐終於到主角出場🤣係有廚師會出嚟即時切俾你嘅，睇住佢用純熟嘅手法切塊牛出嚟都真係幾治癒😍我哋揀咗食係五成熟，雖然肉嘅顏色仲係好紅，但其實佢係剛剛好恰到好處，肉質鮮嫩，一啲韌都冇。不過隔離個Yorkshire Pudding就真係差啲，似一個淋咗嘅puff😂😂
Pan-seared Sea Bass
相對哋比較清淡嘅煎爐魚，我就request咗汁要另上，因為唔想破壞咗魚嘅鮮嫩。特別鍾意佢面頭嘅蒜片同紅菜頭薯片，好香好脆好開胃！對比起薯蓉我覺得呢啲蔬菜薯片更適合做sides🥳
Selection from the Dessert Trolley
同appetizer一樣，甜品可以喺旋轉餐車到揀。甜品有蛋糕同生果揀。基於太飽嘅關係，我只係揀咗少少生果同一個Cream Brulee，就完了！
最後仲有生日蛋糕作結，開心滿足嘅一餐🥰😍99分Dining Experience
張貼
