木屋小食店 (已結業)

住咗係青衣一段時間，一直都覺得青衣無啖好食，似足個美食沙漠，從社交媒體網站得知青衣長發市集裡面有間隱世拉麪小台，今日過嚟試吓，冇抱任何嘅期望，一心係想上嚟食拉麵，揀咗叉燒拉麵，等咗一陣，頭先嗌嘅叉燒拉麪已經送到上嚟，材料方面都幾足料（有4片日本叉燒，紫菜，荀，糖心旦）湯底方面好清，表面冇乜油，飲落口幾舒服，食完都唔會好口乾，唔會話成日都想飲水，呢碗拉麵我絕對覺得物超所值，呢個價錢絕對好過出面大把名過於實嘅拉麵舖，抵讚。除咗叉燒拉麪之外，見到佢仲有其他嘅鴨胸拉麪，牛肉飯，仲有燒賣魚旦同埋玉子燒選擇，不失為一間街坊嘅平民小店。