驚安燒肉商店

營業中

休息中

和本身無特別要慶祝白色情人節，但當日男朋友突然好想食燒肉，就即日book咗呢間想食好耐嘅燒肉店。餐廳喺一座唔似有好多嘢食嘅大廈入面，所以未係好爆場。一坐低用QR Code落單，有一個個set亦都有唔同單點部位嘅牛，我哋首先揀咗個九宮格、和牛壽喜燒同白鱔試下先。九宮格會有張卡仔對應返果格係咩肉，我同男朋友都覺得左上嘅和牛三角腩好出色，係入口溶化嘅程度，而牛舌都幾爽。反而我自己唔太喜歡一口牛，因為都幾多肥膏。但係成個九宮格set都係好重牛味，質素都好好。（一set有五塊）燒白鱔好爽口，另外配檸檬汁食用。而一開始餐廳都俾咗三款醬料：青檸辣醬、豉油（？）同調味蒜蓉。和牛壽喜燒係職員親自燒，配一口白飯同生蛋汁，另外仲有點黑松露壽喜燒汁，一食入口簡直係大滿足！我哋食完九宮格，決定encore和牛三角腩同牛舌。單叫嘅牛舌厚身啲，食入口再豐富爽脆啲。同場都見到唔少三五成群嘅客，我諗呢到都好適合一班人嚟gathering。