饞。台式食堂 (如心廣場二期)

營業中

休息中

今次機緣巧合之下，食到呢間台灣餐廳，都幾意外。事關我又唔係好鍾意食麵，又唔係好鍾意食滷肉飯，但因為晏晝時間實在太難搵位，既然佢有位我就入去啦😂。但係，佢有幾好食喎😬，出奇地改變左，我對滷肉飯嘅睇法。⭐️椒鹽香酥雞扒雞扒外皮小脆，唔會炸過龍，炸皮好薄，唔會食到個口腔損哂👍🏻。椒鹽我覺得佢好香孜然味，食落唔會好咸，剛剛好😬。最欣賞佢隔離有個生菜加麻醬，又下火，加埋雞扒一齊食都好夾，唔會好熱氣，讚👍🏻。⭐️手工滷肉飯我覺得佢比較似滷汁加五花肉碎。五花肉碎肥肉部份比較多，但油分適中👍🏻。滷汁有好香嘅八角味，好特別，加埋個五花肉，好好送飯。再加上，佢滷汁份量適中，唔會搞到成碗飯都又肥又咸，成碗飯都好惹味，送雞扒一流！話咁快就KO一碗😂⭐️烏龍奶茶加仙草如果佢話係烏龍奶茶，我就唔係好飲到有烏龍茶味，同埋用飲筒真係唔係好食到仙草。但其實味道係可以嘅，當佢係杯台式奶茶，其實係OK嘅。