Brick by Brick (已結業)

而家天氣咁熱，一入到舖頭梗係要飲返啲啤酒，消暑又冰涼， Brick by Brick當日就熱辣辣啤酒優惠， Tiger Draught Beer $68/ Glass (Buy 1 get 1 free!)，飲虎啤再加埋東南亞菜簡直一流。 齋飲啤酒梗係唔夠啦， 所以我哋要咗個小食，日式吉列炸蠔，係新鮮炸，外面脆， 一咬入去啲蠔仲會流啲汁出嚟，再加埋個醬去點埋啲蠔一齊食非常夾。秘製馬來西亞咖哩喇沙湯麵嚟到呢度係要食傳統嘅喇沙湯麵，我哋咁鍾意食海鮮就要咗珍寶大蜆拼海蝦。我覺得食喇沙就一定係要試湯底，因為麵條間間都差唔多。 湯底係完全冇味精， 用一啲香茅同埋其他香料加埋蜆肉一齊煲， 一路食嗰啲麵再飲下個湯，都唔會覺得頸渴，好天然冇味精，所以我好鍾意呢個面嘅湯底。火熱馬拉砂煲肉骨茶配白飯、油炸鬼及手工蒜香米餅一個肉骨茶非常特別，平時出面啲肉骨茶係會有硬骨，但係呢一間餐廳嘅肉骨茶，淨係用豬軟骨，所以全部都可以食到，而且佢仲整走咗煮完上面啲油，令到我哋可以飲一個清啲嘅肉骨茶，甜甜地加埋啲米餅同埋油炸鬼，食到停唔到口。