海記美食坊

營業中

休息中

今日一行四人去新街市個熟食中心搵食，見呢檔最就腳又多人食就決定食呢間啦。一坐低即刻有人問我地開咩茶同埋擺低左煲例湯，原來個湯係送嘅，飲落唔覺好味精，不過因為冇咩湯渣我只飲得出係瓜湯。腰果蠔酥 - 即係炸腰果同炸蠔仔，口感香脆唔太鹹，OK 好食。金銀蛋白菜仔 - 佢個味教得啱啱好，又足料，呢個必食!黑椒薯仔牛肉粒 - 成個餸好香黑椒味，唔太辣送飯一流，啲薯仔炸過又索晒啲汁好味。牛肉粒冇雪味又夠淋，正。重點推介惹味胡椒蝦 - 好夠味仲好辣，攪到我地忍唔住叫返支啤酒飲。呢個一定要最後食，因為好濃味，食完之後食其他野會變左冇味。