影片
更多
2023-05-09
115 瀏覽
前兩日又去咗食福岡漢堡扒😋 第一次食係喺韓國，當時覺得好特別，特登走去試！雖然名叫福岡漢堡扒，但係嚟自韓國架😂我哋今次揀咗兩人套餐Ver.4，有兩款漢堡扒、一款丼飯同埋2杯飲品。店員會介紹食法，點樣燒漢堡扒，亦都有圖文並茂嘅紙介紹，唔怕唔識燒。漢堡扒係圓碌碌一個，用小鏟子切少少落石燒，每隔3秒翻一翻面，好快就食得啦！🥓菠蘿煙肉和牛漢堡扒第一次食呢款味道，菠蘿好多汁，配埋煎香嘅煙肉，同漢堡肉一齊食好yummy~~ 和牛漢堡肉質幾嫩，壓平燒幾秒就食得，燒到外面香脆，入面仲係juicy，好好食！🧄芝士蛋蒜和牛漢堡扒之前食過呢款味道，好香蒜味，加埋芝士同煎香嘅蛋，都好好食！鍾意食蒜片必試！🧀芝士泡豚丼飯呢個飯好大碗，有拉絲芝士，泡菜唔係平時食開嗰啲，係比較大塊同唔酸嘅，撈埋辣辣地嘅汁幾好食。🍋西柚特飲 & 金橘檸檬特飲上枱見到有啲嚇親，因為勁大杯😂 好抵飲！加$18就可以轉特飲啦～ 好清爽！又唔會太甜，推介西柚味！整體而言，呢度嘅漢堡扒真係好食又好玩！自助燒自己鍾意嘅牛肉熟度，仲有好多款味道同套餐選擇，一個人定一班人都啱食👍🏻 尖沙咀都有分店好方便！
前兩日又去咗食福岡漢堡扒😋 第一次食係喺韓國，當時覺得好特別，特登走去試！雖然名叫福岡漢堡扒，但係嚟自韓國架😂
我哋今次揀咗兩人套餐Ver.4，有兩款漢堡扒、一款丼飯同埋2杯飲品。
店員會介紹食法，點樣燒漢堡扒，亦都有圖文並茂嘅紙介紹，唔怕唔識燒。漢堡扒係圓碌碌一個，用小鏟子切少少落石燒，每隔3秒翻一翻面，好快就食得啦！
🥓菠蘿煙肉和牛漢堡扒第一次食呢款味道，菠蘿好多汁，配埋煎香嘅煙肉，同漢堡肉一齊食好yummy~~ 和牛漢堡肉質幾嫩，壓平燒幾秒就食得，燒到外面香脆，入面仲係juicy，好好食！
🧄芝士蛋蒜和牛漢堡扒之前食過呢款味道，好香蒜味，加埋芝士同煎香嘅蛋，都好好食！鍾意食蒜片必試！
🧀芝士泡豚丼飯呢個飯好大碗，有拉絲芝士，泡菜唔係平時食開嗰啲，係比較大塊同唔酸嘅，撈埋辣辣地嘅汁幾好食。
🍋西柚特飲 & 金橘檸檬特飲上枱見到有啲嚇親，因為勁大杯😂 好抵飲！加$18就可以轉特飲啦～ 好清爽！又唔會太甜，推介西柚味！
整體而言，呢度嘅漢堡扒真係好食又好玩！自助燒自己鍾意嘅牛肉熟度，仲有好多款味道同套餐選擇，一個人定一班人都啱食👍🏻 尖沙咀都有分店好方便！
張貼
