Eat道

營業中

休息中

今晚唔煮，叫咗六個外賣飯盒。電話落單，去到俾錢。去到驚見有三大袋，我望住呆咗一下。阿姐見我一個人，即刻話俾個大袋我，將兩袋放一個大袋，等我容易攞。見我㗎車未到重借我位放陣先添。好有人情味。攞到返屋企，一開好靚，好吸引，超大份量，同見到都流口水。只來得及把其中兩個拍照。今晚試咗西蘭花炒雞肉，蒸雞髀，炸雞髀，青瓜炒鴨胸，炸魚柳，梅菜蒸腩肉。最後最驚訝的是䱽魚，係原條上架（需然要加$14，但係喺原條呀！！）條魚飯盒咁大。我自己覺得咁多樣裡面，西蘭花炒雞肉，青瓜炒鴨胸，同個䱽魚係最好食嘅。記得喎佢同一日，午餐同晚餐個menu 係唔同㗎。佢午餐時間也比較多人。