春水堂 (太古城中心)

營業中

休息中

又係黎左春水堂，每個月坐底都一兩次，無計，太古城中心真係選擇唔多。兩個人晚餐order左麻辣牛肉麵、紅燒牛肉麵、麻辣青瓜、椒鹽雞翼同茶香肉燥生菜。麻辣牛肉麵：半筋半肉，都好大舊，湯底唔錯，但係BB辣，麵亦偏林，我自己ok，但我個friend麻麻地林麵。紅燒牛肉麵：基本上同麻辣牛肉麵一樣，湯底很濃很甜，甚至比麻辣的更出色。椒鹽雞翼：中等size，唔算好大隻，但個皮炸得好鬆脆，比鹽酥雞更好食，個人認為係encore之選。麻辣青瓜：夠大舊厚身，夠凍夠酸，非常爽口，麻辣只係普通辣度，賣相一般但係意外地好食。茶香肉燥生菜：花椒八角味重，肉燥不特別好食，只屬一般。埋單三百零蚊，仲要㩒住唔叫野飲，真心係貴。