影片
更多
2020-02-07
116 瀏覽
喺D2 Place買完野，見到呢間好似特別嘅鋪頭，就入去試吓。餐廳有好多種唔同嘅風格嘅配料比客人選擇，首先我哋要揀一個底，可以係飯、沙律或者沾烏冬，之後再揀自己想要嘅口味。今次我就揀咗和風口味嘅Giant’s Bowl，原本Giant’s Bowl係用彩虹配料底，不過侍應知道我好想食烤南瓜但個menu係冇得另外加烤南瓜，佢就主動提出幫我轉做和風底，服務一流呀！嘢食嚟到嘅時候我呆左，因為碗野真係砌得好靚，五顏六色咁整齊排列，同埋份量都好多！等我仲低估左佢嘅份量，額外加咗慢煮天多利烤雞添⋯三文魚有少少辣味，同一般三文魚刺身唔同，味道幾特別，吞拿魚新鮮甜，泰式酸辣大蝦爽口彈牙，烏冬用嘅係日式手打烏冬，煙韌好味。慢煮天多利烤雞味道同口感都好特別，味道有啲似7味粉，口感係軟綿綿嘅，可能係因為慢煮嘅關係。食呢碗野嘅時候好得意，好似喺度玩緊咁，因為成碗野入邊隱藏左好多唔同嘅配料，食食吓又會食到唔同嘅嘢，越食越有驚喜，所有配料好夾得來又唔會滯，感覺好新鮮好正！睇吓我原本以為呢一粒係菠蘿，點知原來係蛋～好好玩～朋友加咗$25轉做套餐，有溫泉蛋、昆布湯同甜品，賣相一樣好靚。個甜品係日本直送㗎，我食咗一啖抹
餐廳有好多種唔同嘅風格嘅配料比客人選擇，首先我哋要揀一個底，可以係飯、沙律或者沾烏冬，之後再揀自己想要嘅口味。今次我就揀咗和風口味嘅Giant’s Bowl，原本Giant’s Bowl係用彩虹配料底，不過侍應知道我好想食烤南瓜但個menu係冇得另外加烤南瓜，佢就主動提出幫我轉做和風底，服務一流呀！
嘢食嚟到嘅時候我呆左，因為碗野真係砌得好靚，五顏六色咁整齊排列，同埋份量都好多！等我仲低估左佢嘅份量，額外加咗慢煮天多利烤雞添⋯
三文魚有少少辣味，同一般三文魚刺身唔同，味道幾特別，吞拿魚新鮮甜，泰式酸辣大蝦爽口彈牙，烏冬用嘅係日式手打烏冬，煙韌好味。
慢煮天多利烤雞味道同口感都好特別，味道有啲似7味粉，口感係軟綿綿嘅，可能係因為慢煮嘅關係。
食呢碗野嘅時候好得意，好似喺度玩緊咁，因為成碗野入邊隱藏左好多唔同嘅配料，食食吓又會食到唔同嘅嘢，越食越有驚喜，所有配料好夾得來又唔會滯，感覺好新鮮好正！睇吓我原本以為呢一粒係菠蘿，點知原來係蛋～好好玩～
朋友加咗$25轉做套餐，有溫泉蛋、昆布湯同甜品，賣相一樣好靚。個甜品係日本直送㗎，我食咗一啖抹茶味超濃又香滑。
我就加咗錢飲咗蘋果紅菜頭檸檬西柚汁，問個侍應話呢啲全部係鮮榨冇加糖嘅，但好易入口，完全冇苦澀味或者太酸嘅味道，好開胃！正！
總括嚟講，呢間餐廳嘅嘢食好新鮮特別，又可以依照唔同客人嘅口味去自由配搭，服務態度仲要一流。下次去D2 Place唔愁冇嘢食啦！～
張貼
