傷心酸辣粉 (桂林街)

營業中

休息中

今日去咗黃金商場，見肚餓又係時候搵好嘢食，突然見到好耐冇食過嘅傷心酸辣粉就二話不說入咗去。我叫咗BB辣米線配加大招牌口水雞，好鍾意佢呢到個口水雞，因為雞肉夠嫩滑，加上啲醬汁調得好好，辣辣地，配埋陪碟既香蔥、芫荽同花生，真係好好食，食到停唔到口。友人就叫咗三餸既薯粉，分別係肥牛、芝士豆腐同蘿蔔，薯粉十分煙韌，而且吸哂啲湯，所以食落酸辣味十足。最後仲有叫咗份油菜同小食，分別係涼拌茄子同一口紫薯，涼拌茄子好入味，而且仲放滿蒜蓉同芫荽，鍾意重口味既一定要試。另外個紫薯絕對有驚喜，連皮一齊炸咗好鬆化，仲好重嘅番薯味。