影片
更多
2015-03-05
5904 瀏覽
尋日約左個喺中環返工既老朋友食飯, 正苦惱緊去邊度食既時候就諗起上次食過晚飯既OLD TOWN, 印象中D野都好好食, 唔知喺咁繁忙既午餐時段質素保唔保持到呢?由於我既放午飯時間比朋友早, 所以就上去等住位先, 12:30去到一開LIFT門真係有少少嚇親, 人頭湧湧...但好食既餐廳係值得等下既~等候期間見佢話12:40前埋單有88折, 應該等一陣就會有好多人走。不出所料, 等左唔係好耐就有位喇~而朋友亦啱啱好到埋一齊入座。因為朋友係第一次黎, 見到個MENU心大心細樣樣都想試, 我就一早諗定我食過好好味既肉骨茶飯, 後來佢揀左個海南雞配叻沙。不過由於我地太耐無見掛住傾計唔記得幫D食物影相...先講講我個肉骨茶, 一上檯已經香氣四溢, 果然喺繁忙既LUNCH HOUR都仲保持到水準, 值得一讚!飲落口食到濃濃既藥材味, 非常足料,至於D肉骨亦煮得好入味, 份量十足;至於朋友既海南雞我亦有試, 一咬落去完全無骨, 啱晒我地呢D食肉獸!雞肉好嫩滑唔會煮到乾爭爭咁, 再加埋配上既醬料食真係好好味, 夾下夾下佢碟野差D俾我食晒 XD 個叻沙我就無試到, 但都聞到好香既椰汁味, 等我下次又試下先
由於我既放午飯時間比朋友早, 所以就上去等住位先, 12:30去到一開LIFT門真係有少少嚇親, 人頭湧湧...但好食既餐廳係值得等下既~等候期間見佢話12:40前埋單有88折, 應該等一陣就會有好多人走。
不出所料, 等左唔係好耐就有位喇~而朋友亦啱啱好到埋一齊入座。因為朋友係第一次黎, 見到個MENU心大心細樣樣都想試, 我就一早諗定我食過好好味既肉骨茶飯, 後來佢揀左個海南雞配叻沙。不過由於我地太耐無見掛住傾計唔記得幫D食物影相...
先講講我個肉骨茶, 一上檯已經香氣四溢, 果然喺繁忙既LUNCH HOUR都仲保持到水準, 值得一讚!飲落口食到濃濃既藥材味, 非常足料,至於D肉骨亦煮得好入味, 份量十足;
至於朋友既海南雞我亦有試, 一咬落去完全無骨, 啱晒我地呢D食肉獸!雞肉好嫩滑唔會煮到乾爭爭咁, 再加埋配上既醬料食真係好好味, 夾下夾下佢碟野差D俾我食晒 XD 個叻沙我就無試到, 但都聞到好香既椰汁味, 等我下次又試下先! 跟餐仲送杯薏米水飲品, 不過就比較淡口, 無乜味, 比較失色呢~
埋單每人約$120 都算值回票價, 我朋友仲話下次要再黎食試下佢地既胡椒蟹添呀~提起呢個, 我記得有另一個朋友應承過請我食, 唔知我又幾時試到呢~?
張貼