時新快餐店 (已結業)

好耐未食過了,又去食,而加冇咁多人呀,必食漢堡包,仲有其他野食既~!炸薯條~!個人比較上鍾意喱款薯條,bec好味d又大點,不過喱次差左呀,冇之前咁好食,bec太硬唔夠熱同脆(上次係熱又脆),好似炸左好耐咁,下次唔知會唔會好點呀~!雙層芝士蛋漢堡~!好有份量既漢堡包,好足料,又好食過麥記好多呀,有2塊漢堡,1蛋1芝士,幾多料,同個沙律醬又好味,個漢堡幾厚,加上煎得又幾香呀,好多肉汁,又濃牛肉味,啖啖牛肉好有咬口,好味呀,仲要有兩舊來太滿足了,個蛋唔算太厚不過幾好味,個麵包又幾鬆軟呀,同人手整一點都唔會公式化,整體來講係好味呀~!熱狗~!聽個fd講好普通,腸係普通既腸呀,比平時既熱狗要差,不過個味道係普通!個人比較鐘意喱款港式漢堡包,一來好味d,特別係個沙律醬同個漢堡,二來個薯條係大點既,三來係人手整(雖然某快餐都係人手,不過喱到冇連鎖公式之感),雖然有時係搭得參差不齊,水準有時有不同(又唔會係差好遠啦),不過總係覺得好味點(唔識講,唔係公式既味道...?!),可能最近成日覺得麥記既野太唔抵有感而發呀~!不過老實講喱次未有上次咁好食呀~!