影片
更多
2013-08-05
8118 瀏覽
同爸爸預祝父親節，知佢鍾意鋸扒，就揀左哩間高級扒房。6pm到餐廳，因為時間尚早，無咩客人，但大約7pm就座無虛席；而大多數客人都係外國人，大家都好安靜咁用餐，唔會有食客大聲講大聲笑，感覺好舒服！野食方面~「麵包+自家製牛油」：麵包上檯前輕輕烘過，表面微脆，但食得出係現成貨；牛油就真係自家製，非常幼滑，搽少少喺麵包上好快就將條包KO了「龍蝦湯」：超級creamy，亦有超過5粒蝦肉，又唔會太咸，好正！"Crabcake"：佢係用隻燒到好熱既碟上，伴隨少許牛油墊底，waiter會幫你再分開兩份方便share，一球一碟。佢真係成球都係用蟹肉整出黎，所以每啖都有好鮮甜既蟹肉，不過就咸左D。「芝士焗西蘭花」：哩個真係超正！！！佢真係用芝士焗出黎，唔係好似好多餐廳咁用白汁焗，然後求其喺面頭鋪丁咁多芝士；所以佢每啖西蘭花都痴滿濃濃既芝士，爽！「西冷扒」：爸爸點既，因為佢同crabcake一樣，會用隻好熱既碟上，所以為防overcook，就叫左medium rare。肉汁好多，D肉好嫩，亦好重牛味，最重要係完全無筋，太美好了！「芝士釀雞胸」：我點既，一上檯我同爸爸都忍唔住「嘩」一聲，真係好大碟，開頭仲驚
6pm到餐廳，因為時間尚早，無咩客人，但大約7pm就座無虛席；而大多數客人都係外國人，大家都好安靜咁用餐，唔會有食客大聲講大聲笑，感覺好舒服！
野食方面~
「麵包+自家製牛油」：麵包上檯前輕輕烘過，表面微脆，但食得出係現成貨；牛油就真係自家製，非常幼滑，搽少少喺麵包上好快就將條包KO了
「龍蝦湯」：超級creamy，亦有超過5粒蝦肉，又唔會太咸，好正！
"Crabcake"：佢係用隻燒到好熱既碟上，伴隨少許牛油墊底，waiter會幫你再分開兩份方便share，一球一碟。佢真係成球都係用蟹肉整出黎，所以每啖都有好鮮甜既蟹肉，不過就咸左D。
「芝士焗西蘭花」：哩個真係超正！！！佢真係用芝士焗出黎，唔係好似好多餐廳咁用白汁焗，然後求其喺面頭鋪丁咁多芝士；所以佢每啖西蘭花都痴滿濃濃既芝士，爽！
「西冷扒」：爸爸點既，因為佢同crabcake一樣，會用隻好熱既碟上，所以為防overcook，就叫左medium rare。肉汁好多，D肉好嫩，亦好重牛味，最重要係完全無筋，太美好了！
「芝士釀雞胸」：我點既，一上檯我同爸爸都忍唔住「嘩」一聲，真係好大碟，開頭仲驚唔夠飽！雖然係雞胸肉，但一D都唔鞋，完全係perfectly cooked；入面釀既係香草溝cream cheese，同D雞肉好夾！
最後既甜品時間，waiter會捧住盤甜品實物model出黎比你揀，有new york cheesecake、apple crumble、bread pudding、cream brulee（係咪咁串既呢XD？！）等等，我揀左apple crumble。
"Apple crumble"：一上檯又「嘩」左出黎，因為真係好大份，應該有6吋，即係成個1磅蛋糕咁大個！D crumble好脆，apple filing唔係坊間咁將D蘋果打碎哂，而係切片，所以會較有咬口；伴以面頭既雲尼拿雪糕，一冷一熱，無得彈！完滿既一餐，雖然貴左D（~$1200），但見爸爸食得咁開心，咩都抵啦^^
張貼
