淘園火鍋館

營業中

休息中

佐敦火鍋店唔少，有一間招牌份外搶眼，店內比較光鮮，感覺比起附近的火鍋店高級一點。店入面仲有刺身、吧台。座位都好闊落舒服。先試左佢地個雞煲，用料足，調味都唔錯。辣度有點意外，原來微辣已經好辣，微辣辣度等於一般火鍋的中辣。好可惜，媽媽食唔到添。唔食得辣要注意。媽媽要求跟手要換一個清湯，清湯都足料。湯底入面的栗米好甜好爽口。牛肉點左中價位的手切牛，份量都唔細。牛肉味道頗為香濃，而且有咬口。牛柏葉係黑色的，無漂白比較新鮮。質地好爽口，無渣。脆肉鯇腩好新鮮，口感都唔錯，係有細骨扣左少少分。呢度所有火鍋生料都有雙拼，好細心，可以滿足我地的貪心。每樣一半價錢、一半份量，可以減少浪費麻。珊瑚蚌拼貴花蚌，兩款都鮮味十分，入口滑一滑又彈牙，好高質。四寶丸一次過滿足四個願望，最好食係蝦丸，真係有蝦味架。