淘園火鍋館

食咗呢間舖頭差唔多到10年，最鍾意冬天就去食羊腩煲，平時冇嘢做又會帶啲仔女去食吓雞煲，最鍾意去打邊爐嗰個花膠螺頭雞湯，但係今日就同成班friend去食小菜同埋刺身，真係每次都好有驚喜。條魚刺身真係正到爆炸，同埋個炸子雞真係好掂！仲可以預留小菜想食咩小菜打去舖頭度提早order就可以啦，同埋個胡椒蝦都好好食😋食咗咁多年，每一次都冇失望過，招呼待遇很好環境衛生好好！啤酒夠晒冰凍🥶同埋啲海鮮都真係幾新鮮，鮑魚聖子扇貝爽口彈牙，一食就知係正！…查看更多

鋪頭冇裝修，街坊餐廳feel。象拔蚌刺身：幾鮮甜。👌🏼花膠雞湯底：湯底有充足嘅雞湯味，但又唔算非常鮮甜，亦都冇花膠湯果種少少膠質。比較似家常自己煲嘅雞湯，味道符合預期，但係又未至於話好出色。海鮮湯底：材料好豐富，有蟹有龍蝦，但飲落又冇想像中好鮮甜嘅味道。主要係湯底嘅胡椒味太重，淨係飲到胡椒味，蓋過晒suppose 係鮮甜嘅海鮮湯底味。普普通通。👌🏼牛肉：係打邊爐本地牛頸脊果種質地，都okay 。另外有個特色嘅梅菜豬肉丸，預期中嘅味道，又未至於好驚喜。黃金淮山：另外叫左呢碟小食，反而幾鐘意。鹹鹹香香，淮山又好似健康過薯條。唔錯。…查看更多

地方整潔，三五知己聚會既好地方。$888有一份象拔蚌+龍蝦湯底，象拔蚌都算新鮮好食，湯底不過不失，可以一試。叫咗手切牛$398一碟，有牛味算好食，仲有幾款平啲收切牛可以選擇。還叫咗2款手打蝦丸及墨魚丸，略嫌唔夠彈牙。…查看更多

食材非常新鮮， 今次食左兩種鮮活刺身， 非常美味！ 之前都黎食過幾次火鍋都好正！ 今次三五知己嚟食小菜同雞煲刺身，我哋六點鐘去到，未到食飯時間人數唔算太多，好快坐低左，而且火鍋店座位舒適寬敞 小菜同雞煲好有火喉非常好味， 雞煲辣度適中合，啲雞真係最滑最好食，而最重要嘅係佢真係炒得好合香港人口味，配啤酒一流， 刺身非常新鮮！ 另外，餐廳絕對冇限時要交枱， 可以同朋友傾到凌晨都得，最緊要係價錢親民合理，下次必定再幫襯！！…查看更多

服務員態度很差，一坐下只是不停咁sale龍蝦象拔蚌刺身等。廚房出餐好慢，等到火鍋都煲乾水，啲火鍋料都未到，有的完全未解凍就攞出來。唔會再有下次，永遠blacklist。…查看更多

嚟過好幾次，都覺得唔錯，不過之前冇影相，今次先寫食評。地方闊落，不失為一個聚會既好地方。象拔蚌，花膠雞鍋套餐$888有一份象拔蚌＋花膠雞鍋連兩支啤酒，象拔蚌唔算好鮮甜爽口，湯底都算濃郁，和和可可抵食。雞件都係普普通通，再嗌呢個餐會問下可唔可以轉雞煲，呢度既雞煲幾有水準，如果鐘意食麻辣雞煲，絕對推介一試！！三款手切牛有相果款係$398一碟，唔算好好食，反而安格斯同另一款牛味較重及油花睇落食落都唔錯。比我再揀一定揀二百幾同三百頭果款，相對好食d。菜肉餃，四寶丸，響鈴，鱔片，全部都冇合格，價錢又唔貴。小食黃金淮山，雞軟骨，尤魚鬚，子薑皮旦，炸魚片頭都做得唔錯。唔係樣樣食物都好有水準，不過就合格以上，嬴地點方便同好坐。訂枱送左八隻鮑魚。$3300/7個人，非常合理。…查看更多

點解會揀呢間打邊爐？都係上OpenRice 見到👍🏻所以試試一去到，叫咗$688象拔蚌連湯底，再叫再蝶大本地肥牛，個肥牛好好食😋，又淋又有牛味，再叫咗：豬粉腸、鱔片、唐生菜、油麥菜、鮮山藥、水餃、鯪魚滑仲送咗每位一隻鮑魚3個人，食咗大約$1500個人覺得坐得算濶落，火鍋配料唔貴，新鮮值得推介…查看更多

今日同女朋友突然好想打邊爐，咁啱睇左條YouTube片 有位kol介紹依間火鍋🍲，比佢個象拔蚌刺身吸引左，就專程黎佐敦試一試依間火鍋店😂一坐底店員就放低左餐前小吃（花生）然後問我哋食唔食象拔蚌刺身，於是就叫左份連湯底既套餐($688)，配左半隻雞煲（可以轉任選其他湯底，只有招牌個兩款需另加$100）*唔食小吃可以退翻比店員，會扣減翻$12小吃錢象拔蚌刺身👍🏻鮮甜爽口 半隻雞煲（連訂座送兩隻鮑魚）雞煲味道不過不失，但食完雞，叫店員加湯，佢只會加水變湯底，個湯會淡到飛起，一定要問佢比多少少雞煲醬先勉強打到邊爐牛頸脊(大)$268手切牛頸脊，肉味濃，但略嫌切得太厚，要咬多兩啖先呑到，而且會出現出面熟入面生既情況。之後仲叫左娃娃菜，響鈴，芝士牛丸，鵝腸，羊肉片（左至右數起）全部份量都幾大份，兩個人完全食唔晒，比較推薦響鈴，新鮮炸起（記住食完雞煲先好落單!!) 就咁食會有甜酸醬比你點，但個人認為浸一浸湯會比較好。其他幾款味道就好一般，毫無特別之處，尤其芝士牛丸裏面係無芝士，雖然食得出係手打，但係78蚊性價比好低。總體來說價錢合理，但味道被個湯底拖累晒，而且環境似茶餐廳，唔建議二人或情侶黎食，如果多人黎食，又好啤酒既朋友會比較適合😎價錢💵$14xx象拔蚌刺身連湯底$688手切牛頸脊(大)$268芝士牛丸$78娃娃菜$29紫菜響玲$49羊肉片$88鵝腸$88自家制五花茶$25另收加一同茶介醬料費…查看更多

今日朋友生日，約咗去淘園打邊爐，我哋叫咗隻四斤幾重嘅龍蝦2食🦞，先刺身之後做泡飯😋，龍蝦刺身真係非常鮮甜😚，連個泡飯都煮得好出色，叫咗兩隻象拔蚌，超抵食，一隻包一個湯底🥘，細細隻殼竟然有咁多肉，再叫咗一打生蠔，其實呢個頭盤已經非常滿意🥰，跟住叫咗個花膠雞湯底🐔，我自己都飲咗三碗湯😀，之後先再加水打邊爐，至於邊爐嘅餸，點解要揀淘園，就係因為我鍾意佢啲嘢食夠新鮮，每次食親佢價錢又合理，又食到我想食嘅嘢，正😄…查看更多

❣️港式火鍋推薦 價錢好合理 食材新鮮 味道一流 唯一既缺點係無靚裝修 但我認為係港式火鍋店既親切感食完雞煲可選擇直接加湯/ 換煲打邊爐 邊爐湯底無花巧既味道 但食材夠新鮮更食到食物本身既鮮味 ❗️埋單分店打咗88折（？）大家有興趣可以訂位嘅時候問吓有冇做緊折扣🥘淘園雞煲(全份)$268簡左小辣 接近唔辣既感覺 下次會叫中辣 雞煲調味不會過鹹而濃味 雞肉比例都比較多啖啖肉 肉質鮮嫩店主唔知點解送埋鮑魚😂❣️🐮手切片頸脊 $228 牛頸脊取自牛的肩胛部位 是牛隻活動較多的部位 油脂平均脂肪較少口感軟嫩但又有少少咬口 睇相片已經知道好食啦 牛肉味好濃 而且我個人偏好[少肥牛肉] 非常推薦🫔紫菜手卷炸響鈴$49脆響鈴+脆紫菜 = 勁脆 響鈴非常出色 無油益味 口感味道100分 係即炸的🥖芝麻黃金脆淮山$78份量多 每一條脆淮山都沾滿鹹蛋黃 炸得酥脆 我本來唔食淮山都食左好多條 出色✅推薦比想一班人食飯 食厭左集團式邊爐 試下小店都會好有驚喜 淘園火鍋館 (佐敦)📍佐敦偉晴街46-52號聯美中心地下…查看更多

昨晚吃完今天已經忍不住為大家立即介紹‼️ 一間私藏2年的雞煲火鍋店要公開了😎 那時我也湊熱鬧吃了次 已經感覺不錯 事隔兩年再光顧 竟然…水準更好🤩👍 以下是精選推介💜🔻🔻🔻🔻🔻✨淘園雞煲 ($268)可以選擇辣的程度🌶雖然我們選了小辣 但實質與BB辣無大分別 不吃辣的朋友也接受到～ 雞煲用料超豐富 洋蔥 辣椒 木耳 大蔥 蒜蓉 醬料濃郁超惹味☺️ 雖然偏油 但仍然可以接受～-✨手切片頸脊 ($228)吃完雞煲就到火鍋🤪 如果不想太油膩 可以另外要求以另一鍋上🍲 吃火鍋當然少不了牛肉🐮 超級推介這款手切片頸脊 顏色粉嫩 吃下去朋友都驚嘆 說超重牛肉味!!😂😂 雖然有點誇張 但很同意～😆-✨本地新鮮肥牛 ($238)另一款本地肥牛也不錯!!❤️ 對比平時火鍋店 很容易會看到肥牛有很多白色脂肪 但這間卻沒有這個感覺～ 肥瘦適中 重點是…當時防彈也吃了兩大碟😏😏-✨紫菜手卷炸腐皮 ($49)超有驚喜的響鈴🔔裏面是有香脆紫菜～ 完全沒有油’益’味 放入湯底3-5秒 吸收精華🧽 整個響鈴都是湯汁☺️-✨凍豆腐 ($29)凍豆腐又是另一神作🥺 其實即是蜂巢豆腐 中間同樣可以吸盡超多湯底🍲 每次打邊爐必叫🤪-✨芝麻黃金脆淮山 ($78)這間店還有不同小食～ 🌟個人最最最最推介就是這款黃金脆淮山😎 黃金即是鹹蛋黃 雖然超級邪惡 但令你完全不後悔😆 准山外表炸得好脆 送酒一流🍺-✨椒鹽雞軟骨 ($58)另一款佐酒小食椒鹽雞軟骨～ 同樣炸得金黃酥脆✨ 加入了芝麻 炸蒜等調味 令整碟小吃十分香口🥰-整體來說所有菜式都不錯 我們還點了一些蔬菜🥬海鮮🦞內藏🐷 整晚超滿足～🔺🔺🔺🔺🔺-📍 淘園火鍋館 (佐敦)🗺 佐敦偉晴街46-52號聯美中心地下…查看更多

Never try a hotpot so exciting as food is fresh and prices is fair. Kai Gor us very nice man and teach us so mach gir wine knowledge especially whisky.Place is convenient.recommend fresh high class lical beef and seafood.Chicken pot is the signature and all ingredients are fair and nice in price.Always be my one of tge favour.…查看更多

兩個人食，所以叫左雞煲同一碟牛同菜已經好飽，啲雞煲夠入味好食,呢間比較麻甩嘅火鍋店，約埋三五知己嚟飲啤酒嘆雞煲一流！佢啲牛靚架，食火鍋一係睇碟牛，一係睇個煲，兩樣都👍🏻…查看更多

雖然天氣轉熱🔥但本人都係心郁郁想食雞煲🫕就係佐敦搵左一間雞煲黎試😂 🫕淘園特色雞煲 ($168/半隻；$269/全隻)見餐牌強烈推薦呢個雞煲，咁冇理由唔試🤣呢間雞煲偏乾身，但雞肉好入味同肉質嫰滑，連D配料都好入味🥰本人本身唔好洋蔥🧄但因為太好食都默默食晒🙈順帶一提，佢有辣度簡，本人簡左小辣都好夠味好食指數︰8.5/10 🥩黃牌手切片頸脊 ($188/小；$238/大)食完雞煲一定要打邊爐😌因為係兩個人食，所以嗌左細碟😆份量都幾多同幾新鮮，打邊爐一流😋好食指數︰8.5/10 🐙蚧子墨魚滑($78)好滑好彈牙，不過本人覺得蚧子少左DD🙈好食指數︰8/10 🐷新鮮豬肚 ($39)豬肚用黎打邊爐，最緊要係啤足水🤔呢間店前題功夫做得幾好，豬肚都值得推介👍🏻唯一唔好就係份量少左D好食指數︰8/10 🥬油麥菜 ($29)幾驚喜係D菜好新鮮好綠，健康人士必選😌好食指數︰8/10 🐟三文魚刺身 ($78)Sashimi就普普通通，不過不失😂本人係等緊雞煲果時嗌黎止一止肚餓😅好食指數︰7/10 🌟呢間雞煲係之前bts成員suga同jungkook完左演唱會黎食，但評價絕冇私心…查看更多

好耐未打過邊爐啦，佐敦呢間火鍋店出名抵食，佢啲魚生確實新鮮又低食，大眾最喜歡嘅章紅魚都只係400蚊條，仲要兩食，先食魚生，再椒鹽炸都好味，仲有個墨魚卷，未食過，幾得意幾好味！叫到成枱係嘢都只係每人幾舊，唯一就係嗰日漏左單，飲唒成個花膠湯嘢食都未到…查看更多