TC Bistro (已結業)

今日係新蒲崗做完嘢嚟到間幾有heart嘅西餐廳， 坐低之後感覺侍應都好有heart,，明顯同出面做到撻皮既唔同， 估唔到新蒲崗都有啲咁好嘅地方，坐低就上咗支薄荷檸檬水， 呢度嘅分別就係大大片薄荷葉浸住感覺好清新，飲落有薄荷味，我就最愛。嘢食先嚟沙律， 無花果好新鮮，整個沙律酸度啱啱好食落好開胃。之後嚟咗個啡菇黑松露意大利飯，飯有濃濃的黑松露味 ，我比90分， 小食就嗌咗香辣雞翼配薯條，雖然雞翼都好好食但我反而鍾意食薯條多過雞翼， 呢度畀薯條粗粗哋， 上面沈滿鹽同其他調味，極力推薦。跟住牛扒上場 ，牛扒相當juicy ，堅七成熟 ，火候控制得好好，加埋鹽每一啖你只感到滿足， 呢個價錢絕對超值。最後會仲送埋焦糖燉蛋做甜品，perfect嘅一餐 總括嚟講係新蒲崗絕對要支持呢間小店。