影片
更多
2019-05-18
154 瀏覽
男朋友最近搬左入東涌，個個都話住東涌好鬼慘，要出城先有好西食。點知見到最近東涌新開咗間泰國越南菜餐廳，叫Mint & Basil，價錢唔算貴，仲幾好環境(有得室外用膳)，就計劃左黎緊慶祝5周年紀念日嚟呢度試試新野。本身都唔多食泰國野，因為通常都好辣同重口味，但見到佢menu菜式都唔錯，就決定一試，無意中咁發現呢個野CP值都幾值得推介比大家👍🏻👍🏻最推介係軟殼蟹米紙卷，令我最驚喜係佢塊皮真係勁好食！少少煙韌又薄薄地，入面包住新鮮炸起軟殼蟹，仲要係有蟹肉唔會得隻蟹腳比你，配埋d雜菜，一啖咬落去口感一流。飛天通菜都值得一試，相比平時中式煮法，泰式通菜絕對比你我想像中好味好多，口味豐富又唔會死咸，帶少少辣，好夠香，又冇味精(食完都唔覺口渴)，真心推介比大家。仲有必嗌就係甜品芒果糯米飯，芒果新鮮唔會勁淋，帶少少酸味唔會死甜。本身諗住想試下坐室外，可惜當日落大雨，但室內都唔錯，張枱空間唔會好窄好細，嗌多少少野都唔怕冇位擺，坐得幾舒服唔會同隔離枱坐得好迫，夠私人空間比情侶享受二人世界既晚餐。啲員工又好好笑容同有禮貌，一入門口仲好貼心幫我哋放好把遮，等我地唔洗咁狼狽(出面落緊勁大雨又拎得多野)，知道我
本身都唔多食泰國野，因為通常都好辣同重口味，但見到佢menu菜式都唔錯，就決定一試，無意中咁發現呢個野CP值都幾值得推介比大家👍🏻👍🏻
最推介係軟殼蟹米紙卷，令我最驚喜係佢塊皮真係勁好食！少少煙韌又薄薄地，入面包住新鮮炸起軟殼蟹，仲要係有蟹肉唔會得隻蟹腳比你，配埋d雜菜，一啖咬落去口感一流。
飛天通菜都值得一試，相比平時中式煮法，泰式通菜絕對比你我想像中好味好多，口味豐富又唔會死咸，帶少少辣，好夠香，又冇味精(食完都唔覺口渴)，真心推介比大家。
仲有必嗌就係甜品芒果糯米飯，芒果新鮮唔會勁淋，帶少少酸味唔會死甜。
本身諗住想試下坐室外，可惜當日落大雨，但室內都唔錯，張枱空間唔會好窄好細，嗌多少少野都唔怕冇位擺，坐得幾舒服唔會同隔離枱坐得好迫，夠私人空間比情侶享受二人世界既晚餐。啲員工又好好笑容同有禮貌，一入門口仲好貼心幫我哋放好把遮，等我地唔洗咁狼狽(出面落緊勁大雨又拎得多野)，知道我哋好少食泰國越南菜式，又好有耐性咁介紹比我哋知。
兩個人嗌咗5款菜式加多杯野飲，埋單500銀，雖然話咁既價錢都食到餐放題，但係員工態度同食物質素，我寧願攞嚟試下用心製作既新野，總括黎講，呢度環境幽靜又高汁，係一間幾適合情侶拍拖既餐廳。
張貼
