二一八火鍋餐館

營業中

休息中

上星期有個同事生日，大家約埋一齊去打邊爐慶祝，同事介紹佐敦新開一間幾有質素嘅餐館，去到見到餐館裝潢華麗，頗有氣勢，間隔座位好舒適。我哋點咗四人餐，食材豐富，佢有自家首創嘅麻辣羅宋湯底，我哋點咗個小辣加上羅宋湯嘅香甜非常有特色。一款海斑片，寬厚魚皮煙韌彈牙，肉質鮮甜。廣島蠔大大隻，滿滿海水鮮香。魚肚粉量不少。帶子超級king size， 只要你灼煮時間剛好，真係滋味無窮，只要你輕輕咬下豐富肉汁滿載口腔，還配有新鮮大蝦，鮮魷魚片，全是優質食材。一大盤牛小排，安格斯牛頸脊，頂級肥牛，極品黑豚肉，黑草羊肉片，各具特色，肉質閃令令，肉汁豐盛，多款肉食食材，一定不會令你失望。自家手打墨魚丸，又係大師出色手作，零舍彈牙，鮮甜無比 魚香四溢？我哋點了一個鴛鴦湯鍋，一面濃郁蜜甜辣辣地，又有西湯嘅口感。另一面清香撲面，湯底清甜，芫茜配皮蛋有別一番風味。一顆人七嘴八舌，哇啦哇啦吃得盡興而歸。