牛站(駅)麻辣火鍋放題

營業中

休息中

店內裝潢採用木質風格，配合溫暖燈光，而且全部都係卡位，用餐環境舒適！我哋揀選左二號餐，最like精選火鍋料～SRF美國極黑和牛片，每碟有三片，見到隔籬枱三個人，一下order三十碟添😆滾30秒就食得，鮮嫩又有牛味，無筋，毫無柴感，值得不斷encore。另外爽脆墨魚都好正，表面有光澤，煮完呈現乳白色，令人很有食慾，入口清脆爽口，索索聲，富有彈性，清新又鮮甜。仲有炸物，芝麻炸雞翼入口有鹹香，即叫即炸。炸黑糖麻糬，脆卜卜又流心，作為甜品好讚。自助區都相當出色，冷盤有十幾種，偏向日式小食居多。蔬菜類有好少見嘅冰菜和台灣水蓮，打邊爐好吸湯，入口爽口又清新。