Burgerman (埃華街)

營業中

休息中

本身唔係食肉獸，睇餐牌見到至尊堡張相已經京京，睇埋實物，真係眼擎擎。紅肉以外，有燒大菇堡同炸魚堡，先鬆一口氣。同「三個Ｏ」店比較，呢度的漢堡更軟熟、用料豐富，食落有即叫即製的誠意感覺，代價就係要等耐d先有得食。沙律菜同漢堡包拍住上，菜款多，顏色靚，令成份餐即刻健康晒。菜冇黑邊冇變色，番茄仔清涼多汁，爽。粗薯條係至愛的連薯皮版，微鹹香脆，薯味濃，冇炸到變薯乾，好味過唔少餐廳。厚切炸魚塊外脆內軟，醬汁份量剛剛好。兩款包都喜歡。跟餐飲品以肥仔水為主，期待會新增無糖中茶或綠茶。