SENSU (新城市廣場三期) (已結業)

好少嚟新城市廣場食嘢，呢日下晝外勤，於是約埋兩位同事一齊過嚟呢間日式西餐廳。估唔到呢度環境咁舒適，食物十分有驚喜！行入呢間餐廳，感覺裝修十分和諧溫暖，令人有一種小確幸的感覺！望一望餐牌，感覺每道菜都別有心思，選擇亦十分多元化。呢日我哋一行三人都叫咗招牌旋風蛋包飯配蒲燒鰻魚。蛋包飯個蛋新鮮嫩滑，蒲燒鰻魚燒得十分惹味，而且份量十分充足，既滿足，又飽肚美味！當日我仲叫咗杯藍蝶花香芋奶茶配寒天，呢杯飲品奶味濃郁，藍蝶花又有少少甜甜地，值得一試！